Proverbios 2:19 - Biblia Dc en Mixe de Quetzaltepec

¹⁹ Mëti'ipë jam tëjkëtyëpën ma ja jëtu'unpë ja to'oxytyëjk ja jyëën tyëjkën, ka'ap nijëna'a y'ëkwinpijnëtë, nijëna'a jam kya'ëknajxnëtëty ma ja në'ë aaw tu'u aawën mëti'ipë ja juukyajtën tukpatpën.

Biblia Mixe de Quetzaltepec

¹⁹ Mëti'ipë jam tëjkëtyëpën ma ja jëtu'unpë ja to'oxytyëjk ja jyëën tyëjkën, ka'ap nijëna'a y'ëkwinpijnëtë, nijëna'a jam kya'ëknajxnëtëty ma ja në'ë aaw tu'u aawën mëti'ipë ja juukyajtën tukpatpën.

Proverbios 2:19 ပူးပေါင်းရင်းမြစ်များ

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Proverbios 5:11

E ko mijts tëkatsy winë xytyuunpëty, kë'ëm nëjkx ëxëëk xyjyaja'awënë ko ënät ja mjot mnini'kx ëtyä'äkyë'äämpy kyukëjxënë,

Proverbios 5:6

Yë'ë ka'ap tmëmay tmëtajy yë juukyajtën, ni yë'ë tka'ixy tkatuny pën ma jëtu'un yajpaaty.

Proverbios 6:32

Tsuu yë ja'ay mëti'ipë wiink to'oxytyëjk mëët jyëtityën. Mëti'ipë jëtu'unpë tyuunpyën, kë'ëm nyäyajtëkoyë.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Dios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Jeremias 13:23

¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.