Proverbios 2:13 - Biblia Dc en Mixe de Quetzaltepec

¹³ Mëti'ipë myajtstutëpën në'ë aaw tu'u aaw oypyë ets ënät jä'ä tpanëjkxnëtë ja në'ë tu'u kupi'its kukootspë,

Biblia Mixe de Quetzaltepec

¹³ Mëti'ipë myajtstutëpën në'ë aaw tu'u aaw oypyë ets ënät jä'ä tpanëjkxnëtë ja në'ë tu'u kupi'its kukootspë,

Proverbios 2:13 ပူးပေါင်းရင်းမြစ်များ

Salmos 14:3

Aakyë'ë ja'ay ëxëëk tu'u pyanëjkxtëp, tëë wyinma'any tyëkooytya'atë. Ka'ap ma pën mëti'ipë oypyë tyuunpyën. Nitu'uk kyaka'ty.

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

Salmos 82:5

E miitsëty ka'ap xynyijawëtë ets nän ka'ap mja'akyukëtë, akootstuuy mijts myajpaatë. Yu'kxtëp mëti'ipë pya'tënaaytyëpën ja naaxwiinyëtë.

Proverbios 21:16

Mëti'ipë ja'ay ka'ap yajxon winë tunyën jap jya'ta'any o'kpë itkujky.

Proverbios 4:19

Yë ëxëëkja'aytyëjk yë nyë'ë tyu'ujëty api'its akoots yajpaaty. Ka'ap tnijawëtë maa të kyunäpëtë ko muum kyëtawtë.

Isaías 59:8

Nijënu'un xykyanijawëtë mëti'ipë mëtëy'ajtpën, ka'ap tii mëtëy xytyuntë. Ja tu'u mëti'ipë mpaye'eytyëpën, jëtu'unyë kyunëjkx kyuye'eyë; mëti'ipë jam nëjkxtëpën ka'ap nijënu'un jyotkujk'ata'antë.

Ezequiel 18:26

Pën tu'uk wa'ats ja'ay y'ëxmajtsyp ja oynyë'ë oytyu'u ets tuunë ja ëxëëkpë, kopkpëky ko y'ooky ets tkukëpety ja y'ëxëëktu'un y'ëxëëk kajpxën.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Juan 1:6

Ojts tu'uk ja'ay jyuuky'äty, Juan xyëëwajt, Dios ojts kyexyë.

Juan 12:35

Ënet ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.