Proverbios 19:8 - Biblia Dc en Mixe de Quetzaltepec

⁸ Mëti'ipë ja'ay tuunkjajtpën ets tyajtuny mëti'ipë jyäjtypyën, kë'ëm nyätsyokyë ets kë'ëm nyätyukputëkëty.

Biblia Mixe de Quetzaltepec

⁸ Mëti'ipë ja'ay tuunkjajtpën ets tyajtuny mëti'ipë jyäjtypyën, kë'ëm nyätsyokyë ets kë'ëm nyätyukputëkëty.

Proverbios 19:8 ပူးပေါင်းရင်းမြစ်များ

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Proverbios 16:20

Pën winë yajxon tyuunpy, näjyëtu'un winë yajxon tyajwintu'upëky; jotkujk yë ja'ay yajpaaty mëti'ipë tyuk'ijxpejtypyën Dios.

Proverbios 17:16

Yë tsuuja'ay, oy jënu'un yë wit meeny tjamëëtëty ets tjajuya'anëty yë wijyajtën, ka'ap tjëkyepy jä'ä ko ka'ap jyä'äkyukë.

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Proverbios 22:18

Tää xy'ëk'ixëty ko janty'oy nëjkx mnäjyawëty, ko jap xyajwë'ëmëty mjootjoty mwinma'anyjoty ets yaj'a'ëw yaj'akajpxëty.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Proverbios 3:21

U'unk maay, wijy kujk xëmë mjuuky'atëty ets këtii nijëna'a xyjyä'äytyëkoyëty yë këpetyajtën.

Proverbios 3:22

Yë'ë nëjkx myajjuuky'ätyë ets oy myajkëxë'ëka'anyë, jëtu'un tä yë ja'ay oy yajkëxë'ëkyën yë wit tujkxy.

Proverbios 4:21

Këtii nijëna'a xyajtëkoyëty, yajwë'ëm jap mwinma'anyjoty.

Proverbios 4:4

yë nteetyës ojtsës näjyëtu'un xyaj'ixpëky. Yajwë'ëm akëpäjky yë n'aaw n'ayukës. Yë'ë jëtu'un mtunëp mëti'ipë yam ntuk'ëne'empyën ets mjuuky'atëty.

Proverbios 4:6

Tsok jawë yë wijyajtën ets këtii xy'ëxmatsëty, yë'ë mkuwa'anëtëp.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Juan 12:25

Pën pya'ëyoopy ja jyuukyajtën, yajtëkoyäämp jä'ä; e pën ka'ap tpa'ëyoyën ja jyuukyajtën naaxwiinypë, yë'ë pyaatäämpy ja juukyajtën xëmëkyëjxmëpë.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

1 Pedro 3:10

Jëtu'un ijxtëm ja Dios ja y'aaw y'ayuk y'ënä'änyën: Pën ja juukyajtën tsyojkpy ets ja juukyajtën oy tsuj tyajnaxëty, kyëwent'atëp ja y'aaw yä'än, ka'ap y'ëxëëk kajpxëty ets ka'ap wyin'ëënëty,