Proverbios 19:29 - Biblia Dc en Mixe de Quetzaltepec

²⁹ Jëjp'ixy jam ja kepy tyim'itë mëti'ipë yajtukwopantëpën ja ja'ayëty ka'apë jyä'äkyukëtën; näwyopë itaanp ma ja tsuuja'ay ja jyëxkëtyën.

Biblia Mixe de Quetzaltepec

²⁹ Jëjp'ixy jam ja kepy tyim'itë mëti'ipë yajtukwopantëpën ja ja'ayëty ka'apë jyä'äkyukëtën; näwyopë itaanp ma ja tsuuja'ay ja jyëxkëtyën.

Proverbios 19:29 ပူးပေါင်းရင်းမြစ်များ

2 Reyes 2:24

Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënety jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

Salmos 1:1

Jotkujk ets xoontä'äky yë ja'ay yajpaaty mëti'ipë ka'ap tunyën këwentë ja ëxëëkja'aytyëjk ja y'ëëwij kyajpxwijën, ets ka'ap tyo'oy ja në'ë tu'u mëti'ipë ja ëxëëkja'aytyëjk ye'eytyëpën ets ka'ap tmëjwa'kpety ja ja'ay mëti'ipë ja Dios nyëxik tyukxi'ktëpën;

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 1:26

Näyjyëtu'unës nëjkx jëna'a nxikpë ko ënety mpaatëtë ja ëyo'on jotmay. Nëjkxëp näjyëtu'un jëna'a ntukxiktëpë ko ënety jam m'ookanëtë mëët ja tsë'ëkë,

Proverbios 10:13

Yë wijyjyä'äy yë'ë kyäjpxyp wijyajtën; yë tsuuja'ay jëtu'un tjawë tä jeexyë yajëkuwopën mëët yë kepy.

Proverbios 17:10

Mëti'ipë ja'ay ja'akyujkëpën y'oyjya'ap ko tii yajtuk'ënëëmë ko tii oy tkatuny; e mëti'ipë ja'ay ka'ap jyä'äkyukën oy jënu'un yajwopëty, ka'ap jyä'äkyukë.

Proverbios 18:6

Yë tsuuja'ay ko ka'ap tmajts'ity yë wyiin y'aaw, ëxëëk tmëjaty. Mëët ko ka'ap tukjaty wi'ix kyajpxëty myëtya'akëty yajxon muum yajwinkoxy.

Proverbios 26:3

Yë ja'ay yajyujpy yë kwaay, yë krukts yajpëjktakp yë y'ajäänë'ëk, e yë tsuuja'ay yajwinto'pxy ets jyä'äkyukë.

Proverbios 3:34

Yë Dios nyëxikpy tyukxikpy yë ja'ay mëti'ipë je'eyë nëxik tukxiktëpën, e mëti'ipë yu'unk naxym juukyajtpën janty'oy tsoky tjawë.

Proverbios 7:22

Nitii ojts tka'ëkajpxnë ja yä'äy ëna'k, je'eyë tu'ktëyë tpanëjkxnë ja to'oxytyëjk. Jëtu'un tä tu'uk yë tsajpkaa yajwoownëjkxyën ma y'o'ktaknën, ëkë jëtu'un tä tu'uk yë jëtyu'u muum y'akääkën o'ktaknjoty,

Proverbios 9:12

Pën mijts mwijy mkujk, mijts kë'ëm mtuk'oy'atëp. Pën ëxëëk mja'ay'äty, kë'ëm ëyo'on mnätyukpaatëtëty.

Isaías 28:22

Paaty myaj'ënëëmëtë këtii je'eyë xynyëxi'ik xytyukxi'iktëty, këtiipë mjotmay kyëjääjëtëty; jä'ä ko tëëjës nijawë ko yë Wintsën mëti'ipë maaytyääyëpën winë, yajkutëkooyäämpy tu'kë'ëyë naax kajpn.

Isaías 29:20

Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Deuteronomio 25:2

Ja ja'ay mëti'ipë pokykya'apën, nitëjkëyëp ets yajxon yajwinwopëty, ko'knë yajwopëty ma ja kutuunktëjk jamëtyën ets jëtu'un tkumëtowëty ja pyoky.

Hebreos 12:6

Jä'ä ko ja Wintsën, yë'ë wyijtswinpijtyp mëti'ipë tsyojkpyën ets tsyäätsytyuunpy ni'ëmukë mëti'ipë y'ëxajëpën, jä'ä ko t'u'unk'aty.