Proverbios 19:27 - Biblia Dc en Mixe de Quetzaltepec

²⁷ U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënety m'ëxmajtsyp ja oypyë ja ëëwwijën kajpxwijën.

Biblia Mixe de Quetzaltepec

²⁷ U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënäty m'ëxmajtsyp ja oypyë ja ëëwwijën kajpxwijën.

Proverbios 19:27 ပူးပေါင်းရင်းမြစ်များ

2 Samuel 13:5

Ënet ja Jonadab ojts kyajpxwijyë: Tëkë jap mtëkoty ets mnäpyëjkta'akëtëty mpëjkëp yowë. E ko yë mteety mniminëtëty, ënëëmë wä'än tkexy yë m'uty Tamar ets yë'ë myajkayëtëty, jäpyë tëkoty tyaj'o'oyëkyojëty mëti'ipë mjë'kxëpën ets kë'ëm xy'ixëty.

2 Crónicas 10:10

Tä ja ëna'ktëjkëty y'ëtsoowtë, mëti'ipë ënety mëët tu'knax të yeeky të pyetyën: Ja ja'ayëty mëti'ipë ënantëpën ko xyajyu'unkëty ja tyuunk mëti'ipë ja mteety ojts tyuknipëkëtën, jëtu'un xy'ëtsowëty: Pën ja nteetyës mëk ojts mtuunkmo'ojëtë, ëjts wäänë ni'ikës yam miits mëk ntuunkmo'oja'antë;

Proverbios 14:7

Timnäjyëpëkët ma tsuuja'ayën, jä'ä ko ma yë'ë tii tnimëtyä'äkyën ka'ap jam tii xypyaatëty.

Proverbios 19:26

Ko ëxëëk ntu'unmëty ja ëyoopëja'ay, ets ko n'ixkäjxmëty ja taak tsi'tsk ma jëën tëjkën, yë'ë ënety tu'uk ja mëj tsëtyu'un yajpatp yaj'ijxp, ets ka'ap jëtu'un pyääty nyitëkëty ja u'unk ëna'k y'ëtë'ëtsëty.

Proverbios 19:28

Yë ja'ay mëti'ipë ënaanpën ko tëë tii t'ixy tnijawë ets y'antä'äky yë'ë tyukxikpy ja oypyë ja nänyipaye'eyën. Yë ëxëëk ja'ay jam tyajpëtsëmy ja ëxëëk jot ëxëëk winma'any ma ja wyiin y'aawën.

Jeremias 27:9

Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Mateo 16:12

Ënet tja'akyujkëtyë ko ënety ka'ap yë'ëjëty tijy ja tsajpkääky ja nyitsooy, mëti'ipë ja tsajpkääky yajtuktsooyëpën, yë'ë tukmëmëtyakëtëp ja fariseë ja'ayëty ja y'ijxpëjkënëty ets ja saduceos ja wyinma'anyëty.

Mateo 16:6

Ënet ja Jesús y'ënëmaayëtë: Näkyëwent'atëtë. Këtii mnätyukwin'ëënëtëty yë tsajpkääkytsyooy mëti'ipë myëët'ajtëpën yë fariseë ja'ayëty ets saduceos ja'ayëty.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Marcos 4:24

Ets jyaak'ënany: Mëmay mëtajtë yajxon pën tii mmëtoowtëp. Pën wi'ix ënety miits ja'ay xytyuntë, näjyëtu'un ja Dios mtuna'anëtë.

Juan 10:5

E ja mëti'ipë ka'ap t'ixy'atën ka'ap tpanëjkxtë, ni'ikyë tkukä'äktë jä'ä ko ka'ap tyo'kmëtowtë.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

1 Timoteo 4:7

Këtii xymyëtoowkukëty yë käjpxy mëtyä'äky mëti'ipë ka'ap tsyoowpaatyën. Yë'ë tun ja pa'ëyo'ow najts'ëyo'owën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.