Proverbios 19:21 - Biblia Dc en Mixe de Quetzaltepec

²¹ Yë ja'ay kanaakpëky winë tnimay tnitajë, e yi'iyë tyuunpy mëti'ipë Dios të tyajkutukyën.

Biblia Mixe de Quetzaltepec

²¹ Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Proverbios 19:21 ပူးပေါင်းရင်းမြစ်များ

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Dios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Job 23:13

Ko yë'ë tuknipëjktaakë tii tuna'any, tyuunpy yë'ë; ka'ap pën tjëkyepy wyinma'anytyuktëkëtëty.

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Salmos 83:4

Tëë tuknipëjktaakëtë ko ja mnaax mkajpn tyajkutëkoya'antë, e jëtu'un ëëtsëty ka'ap n'ëk'ijt n'ëktsënaaynyëtëty maas ja naax nkajpnëtyën, këtiipë nijëna'a yë Israel xyëëw yajja'amyätsëty.

Proverbios 12:2

Yë oyjyä'äy, tsojkëp yë Dios, e yë ëxëëk ja'ay pokytyum yajpëjktä'äky.

Proverbios 16:1

Yë ja'ay myëmääpy myëtäjpy ko tii tuknipëjktaakë, e ko winë wyintu'upëjknë, yë'ë Dios yajwintu'upëjkpy.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Dios jää patënëp.

Proverbios 19:22

Ko ja'ay tii t'atsoky, ëxëëk tmëjaty tmëkëpety. Ni'ik oy ko ëyoopëja'ay yajpaaty ets këtii ko je'eyë kyë'ëtsik'aty.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Eclesiastés 7:29

Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Isaías 14:24

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un ijxtëmës të ntuknipëjktaakën, jëtu'un tyuna'any jyata'anyë; jëtu'un tääjës të nyaj'oyën, jëtu'un y'atëwa'any.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Jeremias 44:29

Ëjts maas nxëëwatyën Wintsën, ya'atë ijxpäjtën nëjkx nmo'otë: ko ënety ja ëyo'on tyunyë jyätyë mëti'ipës të nikäjpxyën ets koos ënety ntëytyuntë ja ja'ayëty ma ya'atë naax kajpnën.

Ezequiel 20:32

Miitsëty tëë xymyëtoowyujtë ko wiinkëtypë naax kajpn mëti'ipë yajpatëpën wiink naaxwiinyëtë ko yë'ë y'ëwtajtëp yë kepy ets tsaa, e ka'ap y'ëkjëtu'un'ajnëty.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.