Proverbios 19:20 - Biblia Dc en Mixe de Quetzaltepec

²⁰ Ja'akyukë ja näy'ëëwij näkyajpxwijë ets kupëk ko ënety pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënety mwijyëty.

Biblia Mixe de Quetzaltepec

²⁰ Ja'akyukë ja näy'ëëwij näkyajpxwijë ets kupëk ko ënäty pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënäty mwijyëty.

Proverbios 19:20 ပူးပေါင်းရင်းမြစ်များ

Proverbios 12:15

Yë tsuuja'ay jëtu'un myäy tyäjy ko tëkokyë mëti'ipë tyuunpyën aak'oy yë'ë; e yë wijyjyä'äy myëtoow'ijtyp ko yaj'ëëwijy yajkajpxwijy.

Proverbios 4:1

U'unkëty maayëty, ja'akyukëtë wi'ix yë mteety m'ëëwij mkajpxwijëtë. Yajxon ja'akyukëtë ets xynyijawëtëty wi'ix winma'anymyëët mjuuky'atëty.

Proverbios 1:8

U'unk maay, ijxkuk ja'akyukë mëti'ipë mteety mtukni''ijxëyëpën, ets këtii xyjyä'äytyëkoyëty mëti'ipë mtaak të mtuk'ijxpëkyën,

Salmos 90:14

Myaj'utsëp yë njot nwinma'anyëtyës mëët yë mtsojkën mja'awën ko xyiinytya'akëty, ets jotkujk n'ëwtëty nya'axtëtyës mapaatës njuuky'atën.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 90:12

Tukni''ijxëtëkës wi'ixës ja nxëëw njëmëjt nyajnaxtëtyën etsës nmëët'atëty ja ixpëkyajtën ets ja nija'awën.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Proverbios 1:3

yajpaatëty jëtu'un ja tu'uwinwo'ow tu'uwinwijtsën, ja wijyajtën, tëyajtën, jaanty'ajtën ets ja tu'knaxajtën,

Proverbios 8:14

Ma ëjtsën yam yajpaaty yë winma'any ko tii yajtuknipëjktaakë ets oy wyimpëtsëmy jyëjpëtsëmy, ëjts wijy'ajtën'ajtp, ëjts mëjaaw'ajtp.

Proverbios 8:33

Ijxkuk ja'akyukëtë ja oypyë nätyu'uwinwow nätyu'uwinwitsë. Këtii xyjyëjpmëkajpxëtëty ja wijyajtën.

Proverbios 19:19

Mëti'ipë ja'ay poj'am joot'anpëjkpën o'ktëy jyäty kyëpety; ko nkajëjpwijtswinpijtmëty, ni'ikyë y'o'ktë.

Proverbios 1:2

ets yë'ë twinma'any'äty: tnikajpxa'any tnimëtya'aka'any ja wijyajtën kujk'ajtën ets ja tu'uwinwo'ow tu'uwinwijtsën, ets yajnijawëty wi'ix mëpaat yaja'akyukën ja aaw ayuk mëti'ipë tsipëtyën ets mëj këjää ja winma'any tmëëtëty,

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Proverbios 15:32

Mëti'ipë ja'ay ka'ap tkupëkyën ja näjyëjpwijtswinpijtën, kë'ëm nyäy'ëxëëktunyë; mëti'ipë kyupëjkpyën ko tii yajtuk'ënëëmë, ni'ikyë tpaaty yë ijxpëjkën.

Jeremias 6:8

Yaj'oyë mjot mwinma'any mijts Jerusalén, pën ka'ap, ëjts tim jëwa'akaanpës ma mijtsën; aanë'ëk tëëtsë'ëk nyaj'awinpita'anyës, ni pën jam nkayajtsëënëja'anyës ma mkajpnën.

Sofonías 3:7

Ënet të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënety të ntukumëtoyës ja pyoky. E yë'ëjëty poj'am winë të tuuntëkoytyë.