Proverbios 19:2 - Biblia Dc en Mixe de Quetzaltepec

² Ka'ap y'oyëty ko tii mëj këjää ntsojkën'ajtmëty ets ka'ap jëyëjp nmëma'ay nmëtajmëty. Ko janty tsojkyë winë nyajwintu'upëka'anmëty, jëna'ajëty ka'ap oy wyimpëtsëmy.

Biblia Mixe de Quetzaltepec

² Ka'ap y'oyëty ko tii mëj këjää ntsojkën'ajtmëty ets ka'ap jëyëjp nmëma'ay nmëtajmëty. Ko janty tsojkyë winë nyajwintu'upëka'anmëty, jëna'ajëty ka'ap oy wyimpëtsëmy.

Proverbios 19:2 ပူးပေါင်းရင်းမြစ်များ

2 Reyes 4:39

Tu'uk ojts nyijkxy jam kamjotm ets jamt tpaty yë ujtstëëm, jëtu'un kyëxë'ëky tsi'i u'unkën, tääts may tpëjkmujk jap nyijänjoty t'apëjkëy. Ko tmëja'ajty tääts yajxon t'atsujkëy tsayjäty ets tyajkëëy, ninu'un tkanijawëtë ko y'ëxëëk'ujtsëty.

Job 31:5

Ëjts tyamës nikajpxpety, ko ka'apës nijëna'a tii ëxëëk ntuny ets ka'apës nijëna'a pën të nwin'ëëny.

Proverbios 1:16

jä'ä ko janty näjyotkëjxëtëp ets ëxëëkpë tuntëty. Janty poj'am timtyunankojtë winë, ets ja ne'pny jä'ä tyimtäman tyimjä'ätsantëp.

Proverbios 10:21

Yë wa'ats ja'ay ko kyäjpxy, may yë ja'ay tyaj'ijxpëky; e yë tsuuja'ay ëxëëk nyäjyawëty ko ka'ap tii tjaty tnijawë.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Proverbios 21:5

Ko yë ja'ay tii yajxon tuknipëjktaakë, oy wyimpëtsë'ëm jyëjpëtsë'ëmxëty. Ja'ay mëti'ipë janty ajotkumonë tii tyunäämpyën, kë'ëm nyäyajkujo'opyë.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Proverbios 28:20

Mëti'ipë ja'ay tëy tëtä'äky ja'ay'ajtpën, aak oyjya'awëyëp ja'ay; mëti'ipë yi'iyë myëmääpy myëtäjpyën wi'ix kyumeeny'atëtyën, nëjkxëp tkumëtoy.

Proverbios 28:22

Mëti'ipë ja'ay tyäty atsojkpën, poj'am ja wit meeny tjapaata'any ets ka'ap tnijawë ko niminanëp ja ëyo'on.

Proverbios 29:20

Yë tsuuja'ay wä'än jëna'a wyinma'anytyëkëty, këtiinëm yë ja'ay mëti'ipë je'eyë mëtyakpën ets ka'ap tmëmay tmëtajy mëti'ipë kyäjpxypën.

Eclesiastés 12:9

Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Eclesiastés 7:9

Këtii joot'an mnätyukyajtëkoyëtëty, yë tsuuja'aytyëjk yë'ë ënätyë joot'anpëjktëp.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Romanos 10:2

Ënaanpës ko yë'ëjëty jyatsojktëp tjamëtuna'antë ja Dios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Filipenses 1:9

N'amëtoopy npëjktsoopyës ja Dios ets wäänëni'ik ja m'oyjot m'oywyinma'anyëty jyaaktimkyëjääjëty ets ja Dios ni'ik mjaaktimmyo'ojëtëty ja wijy'ajt ets ja'aykyujkën,