Proverbios 19:17 - Biblia Dc en Mixe de Quetzaltepec

¹⁷ Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Biblia Mixe de Quetzaltepec

¹⁷ Ko yë ëyoopëja'ay tii ntuk'ënu'kxmëty, Tios ënäty winë yajtuk'ënu'kxp, yë Tios yë'ë nëjkx kë'ëm jëna'a tkujuy ja nu'kxy.

Proverbios 19:17 ပူးပေါင်းရင်းမြစ်များ

2 Samuel 12:6

Ets taxk'oknipety mëpaat tkujuy ja kupixyny, jä'ä ko ka'ap ninu'un ja pa'ëyo'ow najts'ëyo'owën të tmëët'aty.

Salmos 41:2

Yë Wintsën yë'ë kuwa'ananëp ets myo'oja'anyë yë juukyajtën ets jotkujk'ajtën yaa naaxwiiny, ka'ap y'ëxmatsa'anyë ets kya'ajëty jam ma myëtsipën.

Salmos 72:13

Pya'ëyowäämpy tëkokyë mëti'ipë yaj'ëyow yaj'ama'at ja'ay'ajtëpën, ets yë'ë yajtso'okanëp yë jyuukyajtën mëti'ipë ëyoow jotëkooytyëpën.

Proverbios 12:14

Tu'uktu'uk yë ja'ay jëtu'un tii tpaaty ijxtëm tii tnimëtyä'äkyën; ets jëtu'un yajmëjuy ijxtëm tii tunyën.

Proverbios 14:21

Mëti'ipë ja'ay ka'ap yë jyiiky myëku'uk tunyën këwentë, poky tyuunpy; e jotkujk ja'ay yajpaaty mëti'ipë pya'ëyoopyën yë ëyoopëja'ay.

Proverbios 14:31

Ja'ay mëti'ipë wyojpy kyä'tsypyën yë ëyoopëja'ay, Dios myëtëkoopy mëti'ipë të yajkojyën; e mëti'ipë pya'ëyoopyën yë ëyoopëja'ay, yajmëjnajxëp yë Dios.

Proverbios 22:9

Mëti'ipë ja'ay oy yë jyiiky myëku'uk jya'apën, nëjkxëp mëj këjää ja näkyënu'kxë tpaaty, mëët ko ënety ja jyiiky myëku'uk t'akaaytyuky t'a'uktuky.

Proverbios 28:27

Mëti'ipë ja'ay pyutëjkëpën yë ëyoopëja'ay, ka'ap tii tyëkoy'ata'anxëty; e mëti'ipë ja'ay winë tyukwintuk'o'kpyën ma ëyoopëja'ayën, nëjkxëp yajpoky.

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Eclesiastés 11:1

Yajkay yë ja'ay, mëti'ipë yuu'o'këpën; ko ënety mijts myu'ookyë nëjkxëp tääpë ja'ay myajkayë.

Eclesiastés 11:2

Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Lucas 6:38

Mo'otë ja ja'ay tii yajmëyäjtypyën, ets ja Dios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Dios winë mo'ojëtëty ijxtëm ënety ja ja'ay winë xymyo'otën.

Deuteronomio 24:19

Pën yë'ë yë tsajpmok myajmujktëp jam mkamjotm, ko mtso'onëtëty ets xyjyä'äytyëkoytyëty tu'k'atsumy, këtii xynyiwinpitëty. Ixmatstë jam, yë'ëts jyä'ä'atëp yë jaaypyaat jaaypyo'kxy mëti'ipë yajpatëpën ma miitsëtyën, ëkë ku'ooky'u'unk ku'ooky tyo'oxyëty. Jëtu'un'äämpy ja Wintsën ni'ik tkënu'kxëty ja mkam mtu'ujëty ets miits näjyëtu'un myajkënu'kxtëty.

Filipenses 4:17

Ka'apës yi'iyë nmëmay nmëtajy tiijës n'ëk'ëxajëp; yë'ëjës nmëmääpy nmëtäjpy ets ja oyajtën xypyaatëty Dios wyintum.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.