Proverbios 19:16 - Biblia Dc en Mixe de Quetzaltepec

¹⁶ Mëti'ipë ja'ay kyuuytyuunpyën yë ënä'ämën tëyajtën, yë jyuukyajtën kyëwent'ajtyp; mëti'ipë ja'ay ka'ap tkupëkyën mëti'ipë ja Dios jyanikäjpxypën, kë'ëm nyäyaj'ooky nyäyajtëkoyë.

Biblia Mixe de Quetzaltepec

¹⁶ Mëti'ipë ja'ay kyuuytyuunpyën yë ënä'ämën tëyajtën, yë jyuukyajtën kyëwent'ajtyp; mëti'ipë ja'ay ka'ap tkupëkyën mëti'ipë ja Tios jyanikäjpxypën, kë'ëm nyäyaj'ooky nyäyajtëkoyë.

Proverbios 19:16 ပူးပေါင်းရင်းမြစ်များ

Lucas 10:28

Ënet ja Jesús y'ënëmaayë: Tëy m'ëna'any. Pën mpatuunpy jëtu'un, mpaatëp ja juukyajtën xëmëkyëjxmëpë.

Proverbios 13:13

Mëti'ipë ja'ay tëë jyayaj'ëne'emyën, ets ka'ap tpatuny, ok tmëkjawë ko ënety ka'ap të tuny mëti'ipë të jyayajtuk'ëne'emyën. Mëti'ipë ja'ay wyinkutsë'këpën yë näy'ënä'ämë y'ëxajëp yë kyuma'ayën.

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Dios ja y'aaw y'ayuk myëtoow'ijtëpën ets tpatuntë.

1 Juan 5:3

Ko ja Dios ntsojkmëty, ja y'ënä'ämën ënety npatu'unëm ets ja y'ënä'ämën ka'ap tsyiptä'äky,

1 Juan 3:22

ets yë'ë xymyo'oja'anëm winë tii ënety n'amëto'ow npëjktso'owëmën, jä'ä ko npatu'unëm ënety ja y'ënä'ämën ijxtëm tsokyën.

Proverbios 29:18

Ma ka'ap jyam'atyën ja ëëwij kajpxwijën mëti'ipë yë Dios jyä'ä'ajtypyën, ka'ap jam ni pën nyäjyä'äkyukëty ets ni pën jam tii oy tkatuny. Yë naax kajpn jotkujk yajpaaty ko ja'ay tuntë mëti'ipë Dios y'ënä'ämën'ajtypyën.

Proverbios 21:23

Mëti'ipë ja'ay wyiin y'aaw kyëwent'ajtypyën, ko tii t'ëy tkäjpxy, nijëna'a ëxëëk kyajjat kyakëpätëty.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënety nnäkyëwent'ajtëmë.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Eclesiastés 8:5

Mëti'ipë mëtoopën ets käjpxyjyä'äykyujkëpën ka'ap tii jyata'any kyëpäta'anyë, mëti'ipë ja'ay wijyën nyija'ap wi'ix tii oy tunëtyën ets jëna'a tii oy tunyën.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Juan 14:15

Pën xytsyojktëpës miits, mpatuntëp ja n'ënä'ämënës.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Ezequiel 33:5

jä'ä ko tëë tjamëtoy ja xuxn ko të xyu'uxy ets ka'ap të tmëjpëjktä'äky; kë'ëm ënety të nyätyunyë, jä'ä ko jeexyë të tmëjpëjktä'äky ko ja xuxn të xyu'uxy tëëyëp ja jyuukyajtën tyajtso'oky.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Proverbios 22:5

Ma ëxëëk ja'ay yë nyë'ë tyu'ujën, tam jyätyë mëti'ipë yaj'anäjp yaj'akojxëpën; e mëti'ipë ja'ay kyëwent'ajtypyën yë jyuukyajtën, nyija'ap wi'ix tuknaxëtyën ja yaj'anäjp yaj'akojxëpë.

Proverbios 15:32

Mëti'ipë ja'ay ka'ap tkupëkyën ja näjyëjpwijtswinpijtën, kë'ëm nyäy'ëxëëktunyë; mëti'ipë kyupëjkpyën ko tii yajtuk'ënëëmë, ni'ikyë tpaaty yë ijxpëjkën.

Salmos 103:18

Ma ja'ayëtyën mëti'ipë kuuytyu'unxëtëpën ja kyäjpxytyu'unën ets tmëmëtowtë ja y'ënä'ämën tyiyajtën.

Job 5:2

Ko xëmë je'eyë nmo'onmëty ntujkmëty ets nmä'ämyëty ntajmëty, nëkoopë yë'ë, tsojk nän yi'iyë nätyukyaj'o'këmëty.

Proverbios 21:16

Mëti'ipë ja'ay ka'ap yajxon winë tunyën jap jya'ta'any o'kpë itkujky.