Proverbios 19:14 - Biblia Dc en Mixe de Quetzaltepec

¹⁴ Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.

Biblia Mixe de Quetzaltepec

¹⁴ Yë taak teety yë'ë yajktëp ja jëën tëjk ets wit meeny, e Tios yë'ë yäjkpy kutëjk wijypyë.

Proverbios 19:14 ပူးပေါင်းရင်းမြစ်များ

Génesis 24:44

ets koos xy'ëtsoowëty: Oy mnëë'uukëty wintsën ets min näjyëtu'un n'ëkyajnëë'uukyës yë mjëyujk jëku'ux. Jä'ä ënety ja to'oxytyëjk mëti'ipë mijts të xywyin'ixyën ets yë'ë to'oxytyëjk'atëty ja nwintsënës ja y'u'unk myääy.

Génesis 24:7

Yë Wintsën, yë Dios tsajpjotmëpë, mëti'ipës ojts xyajtsoonyën maas yë nteety ntaak yë jyëën tyëjkën ma ja y'it nyaaxwiinyëtën ja njëëky nmëku'ukës. Ets ojts xytyukwinwanës ya'atë it naaxwiinyëtë, ko tmo'oja'any yë n'ok'u'unk n'ok'ëna'kës, yë'ë näjyëtu'un ënät kyäxëp ja Dios ja tsyajpjotmëtë kukäjpxy ma mijtsën. Ets xyajmin xyajja'tëty ja to'oxy'ëna'k, mëti'ipës ja nmaank Isaac tyo'oxytyëjk'atëpën.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

2 Corintios 12:14

Yë'ëjës yam n'ëwxijtyp ets nëjkx miits nku'ixëja'antë mëtëkëëk'ok ets ka'ap nëkoo n'atsipa'antë. Ëjts ka'apës yë'ëjëty n'ixta'ay mëti'ipë miits mmëët'ajtëpën, miits kë'ëm n'ixtaaytyëp; jä'ä ko yë'ë taak teety patëtëp t'ëxta'atëty ja wit meeny mëti'ipë y'u'unk y'ëna'k tyuk'ixtëpën, ka'ap yë'ëjëty yë u'unk ëna'k ja meeny t'ixta'atë ets ja tyeety tyaak tuk'ixtëty.

Deuteronomio 21:16

E ko ënety tyajwa'kxa'any ja näykyumayë, ka'ap tjëkyepy jä'ä tmëjpëjkta'akëty ja to'oxytyëjk ja myaank mëti'ipë tsyojkpyën jya'apën. Jä'ä ko nëjkxëp ja jyoot'anpëky ja to'oxytyëjk ja myaank mëti'ipë ka'ap tsokyën ets jä'ä kä'äxkopk.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënety ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

1 Samuel 25:3

Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënety jyä'äy'ajtpë tëtä'äky ets wijy ets oy tsuj y'ixëty.