Proverbios 18:5 - Biblia Dc en Mixe de Quetzaltepec

⁵ Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Biblia Mixe de Quetzaltepec

⁵ Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Proverbios 18:5 ပူးပေါင်းရင်းမြစ်များ

Proverbios 28:21

Ka'ap y'oyëty ko win'ixy wiinkexy ja'ay yajtsoky, yë'ëpaat ja'ay yajtëkoyë tu'ktukpyë tsajpkääky.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Salmos 82:2

¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Proverbios 24:23

Ya'atë ojts näjyëtu'un tkajpxtë wijyjyä'äytyëjkëty. Ka'ap y'oyëty ko jam ma kutujktaknën win'ixy wiinkexy ja'ay yaj'oyjyawë.

Proverbios 17:15

Ko yajpokymye'kxy yë tuuntëkooypyë ets yajtëytyuny ka'apë pyokymyëëtëtyën; tääpë mäjtskpëky mëti'ipë Dios ka'ap nijënu'un t'oyjyawën.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Isaías 5:23

Mnimeenypyëjktëp ets ja ëxëëk ja'ay ka'ap pyokytyëkëty, ets ka'ap xypyaye'eytyë ja wa'ats ja'ay ijxtëm pyäätyën.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kuttujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Isaías 59:14

Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Éxodo 23:2

Këtii xymyëjwa'kpätëty ja mayjyä'äy ko ëxëëkjaty winë tuntëty tkajpxtëty. Ko muum ja m'ayuk tëyajtënpë xykyë'ëyaka'anëty oy jëtu'un xyjya'ixëty yë mayjyä'äy këtii mtsë'ëkëty ets këtii jam mnäkyë'ëyakëtëty ma ja ka'apë myëtëyëtyën.

Éxodo 23:6

Këtii m'ënaanpëty ko ja ëyoopëja'ay ka'ap xynyipaye'eyä'äny mëti'ipë paat'ajtëpën.

Proverbios 17:26

Ka'ap y'oyëty ko ja'ay nyajmeenyajkmëty mëti'ipë ka'ap nitii poky tunyën, ets ko yajwopy yajka'atsy mëti'ipë tsuj yajxon juukyajtpën.

Proverbios 31:5

jä'ä ko tsojk tja'atyëkoytyëty ja ënä'ämën tëyajtën, ets ka'ap t'ëkja'amyäjtsnëtëty ja ëyoopëja'ay.

Miqueas 3:9

Mëtoow'itë ya'atë aaw ayuk miitsëty yajkutujkpëtëjk ets miitsëty wintsëntëjkëty mëti'ipë tuuntëpën jam ma Israel kajpnën, miitsëty mëti'ipë je'eyë y'ëxëëk'ijxtëpën ja oypyë ets jaantypë ja nipaye'eyën ets xyajma'ata'atë mëti'ipë oyën,

Éxodo 23:3

Këtii xytyimmëpëjkta'ajëty ja y'aaw y'ayuk ja ëyoopëja'ay.