Proverbios 18:22 - Biblia Dc en Mixe de Quetzaltepec

²² Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Biblia Mixe de Quetzaltepec

²² Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Tios yäjkpyën.

Proverbios 18:22 ပူးပေါင်းရင်းမြစ်များ

Proverbios 19:14

Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.

Proverbios 12:4

Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Eclesiastés 9:9

Tukxoontä'äky yë juukyajtën mëët ja to'oxytyëjk mëti'ipë mtsojkpyën mja'apën, janaam jatsojk xytyukxon xytyuk'itëty yë mjuukyajtën tsojkyëpë nyäxyën naaxwiiny naaxkëjxy; yi'iyë tu'ukyë mpatëp xytyukxoonta'akëty naaxwiiny naaxkëjxy.

1 Corintios 7:2

je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

Génesis 2:18

Ënet ja Wintsën y'ënäny: Ka'ap yowë y'oyëty ko yë ye'etyëjk atu'uk y'ity. Minës ëpëky n'ëkyajkojy mëti'ipë putëkëtëpën.

Oseas 12:12

Ojts yë Jacob jam nyaskääkë Aram ets jam tnituuny yë tyo'oxytyëjk, kupixyny këwent'ajtk jam tyuunk'ajt.

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Dios janty'oy jyawëty;

Proverbios 3:4

jëtu'unts mtukxoonta'akëtëty ets m'oyjyawëtëty yë Dios ets naaxwiinyëtë ja'ay.

Génesis 24:67

Ënet ja Isaac ojts ja Rebeca twoownëjkxy ma ja tyaak ja jyëën tyëjkën, tä ojts mëët pyiky y'uuky. Yë Isaac mëk tsojky tja'awëy yë Rebeca, jëtu'un ojts jotkujk nyäjyawëty jatëkok oy ënety ja tyaak të y'ëk'ooky.

Génesis 29:28

Tä tkupëjky yë Jacob, ko ojts ja xyëëw tyajkä'pxy mëët ja Lea, ënät ja Labán myooyë näjyëtu'un ja Raquel ets to'oxytyëjk'atëty.

Rut 4:10

Tyam näjyëtu'un xy'ixtë ko yam mpëkyës yë Rut, yë Moab ja'ay mëti'ipë të kyu'ookyën, mëti'ipë ijty yë Mahlón tyo'oxytyëjk'ajtypyën. Jëtu'un yë Mahlón ka'ap yë xyëëw y'atëkoyëty ma nyaax kyajpnën. Miits yam m'ijxtëp mnija'awëtyëp.