Proverbios 18:18 - Biblia Dc en Mixe de Quetzaltepec

¹⁸ Yë oypyë nipaye'eyën yajkëjx yë tsip, ko tyaj'oyë ja tsip tu'knax ma ja'ay kyanämyëkëxyën.

Biblia Mixe de Quetzaltepec

¹⁸ Yë oypyë nipaye'eyën yajkëjx yë tsip, ko tyaj'oyë ja tsip tu'knax ma ja'ay kyanämyëkëxyën.

Proverbios 18:18 ပူးပေါင်းရင်းမြစ်များ

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.

1 Crónicas 24:31

Näyjyëtu'un yë'ëjëty ojts nyäyyajwa'kxëtë, aak ijxpëtsëmy ojts nyikääkëtë ja tuunk, ëpëky ja mëj ëna'ktëjkëty ets ëpëky ja mutsk ëna'ktëjkëty, jëtu'un tä myëku'ukëtyën ja Aarón ja y'u'unk y'ok, ko ojts nyäyyajwa'kxëtë nän tam'ajtëp ënety ja yajkutujkpë David, teety Sadoc, teety Ahimélec ets ja mëti'ipë ja jyiiky myëku'uk nyikopk'ajtëpën, ja jyëën tyëjkëty ets ja Leví ja'ayëty.

1 Crónicas 6:63

Ja Merarí y'u'unk y'ok näjyëtu'un ojts ja nyaax kyajpn yajmo'otë tä ënety ja jyä'äy nyimay'atën, ko yaj'ijxpëtsëëmy majkmäjtsk ja kajpn nyikäkëtë, ma ja Rubén, Gad ets Zabulón ja nyaaxjotmën.

1 Samuel 14:42

Tä ja Saúl jatëkok y'ënäny. Ijxpëtsëmtë jatëkok yë xëëw po'o ma ëjtsën ets ma nmaankës Jonatán. Ko yaj'ijxpëtsëëmy yë'ë ojts tyuka'ayë ja Jonatán.

Josue 14:2

Ojts ja it naaxwiinyëtë tyajwa'kxtë ijxpëtsëmy, ja taxtujk ja kujkmëpë ja naax kajpn, jëtu'un tä ënety Wintsën të tuk'ëne'emyën ja Moisés.

Proverbios 18:17

Ko mëtu'uk ja'ay myiny ë'ëmpë ma kutujktaknën, jëtu'un yajmëtoy yë'ë yowë mëtëy kajpxp, e ko myiny ok mëti'ipë mëët të nyämyëtëkoyën tääts ka'ap ja y'ë'ënën y'ëktuunkojnë mëti'ipë ënety jëyëjp të myinyën.

Proverbios 18:19

Ni'ik jyoot'anpëky yë mëkä'äx ko yajmëtëkoy, këtiinëm tu'uk yë kajpn mëti'ipë napotsyën. Yë tsiptu'un tsipkajpxën jëtu'un jyëjpmëtij jyëjpmëwa'akë tä yë pujxnën mëti'ipë këmoontëjk y'akämtuk'ajtypyën.

1 Samuel 14:41

Ënet ja Saúl ojts tyëkë waantsoow pëjktsoowpë ets y'ënäny: Wintsën Dios, mëti'ipë yajpatpën ma Israel ja'ayëtyën, ¿Wi'ix ko tyam ka'ap xy'ëtsoy yë mtuunpë? Pën ëjts pokymyëët ëkë yë'ë nmaankës Jonatán, ko ënät yaj'ixy ja xyëëw pyo'o Urim ënät ka'ajëp; e pën yë'ëts yë naax kajpn yë poky myëët'ajtyp, ko ënät yë xyëëw pyo'o yaj'ixëty yë'ë ënät ka'ajëp yë Tumin. E ko ja xyëëw pyo'o yaj'ijxpëtsëëmy yë'ë ojts tyuka'ayë ja Jonatán ets Saúl ets ja naax kajpn ojts ëwaatsëtuuy wyi'imy.