Proverbios 18:16 - Biblia Dc en Mixe de Quetzaltepec

¹⁶ Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.

Biblia Mixe de Quetzaltepec

¹⁶ Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.

Proverbios 18:16 ပူးပေါင်းရင်းမြစ်များ

Génesis 32:20

Ënëëmëtë näjyëtu'un: yë Jacob tää näjyëtu'un myiny ix'ok. Jëtu'un ënety ja Jacob myäy tyäjy: Wä'än jëtu'un yë tsyip y'äkë nyanaxëty yë n'ajtyës Esaú, oknëmës kë'ëm ntim'ixëty wä'änxyëp jëtu'un'äämpy xynya'ëxaj xynyakupëkëtyës.

Génesis 33:10

E ja Jacob ni'ikyë y'ënaan'ëtë'ëtsy: Ka'ap, tun yë mëyajtën, pën jää'ajtp ja oyjyot oywyinma'any ma ëtsajtëmën, kupëk ya'atë näynyamo'ojë, ko mijts tyam nwinku'ixë, jëtu'unës näjyawëty Tiosës yowë ntimy'ijxyp kë'ëm. Ëjts nja'awëkyëtäkpyës koos mijts tyam oy xy'ëxaj xykyupëky.

Génesis 43:11

Ënet ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

2 Reyes 5:5

Ënet ja yajkutujkpë y'ëtsoowë: Oy'atëp, oy mnëjkxëp, tyamës tu'uk yë noky ntuknikäxëty yë yajkutujkpë jampë y'ëne'emyën Israel. Ënet ja Naamán tsyo'ony. I'px majk mil ojts tmënëjkxy yë poop pujxn meeny, tëtujk mil yë pu'ts pujxn ets majk ni'kx yë wit,

Proverbios 17:8

Ja'ay mëti'ipë nyimeenypyijkpyën ka'apë myëtëyëtyën, jëtu'un nyäjyawëty nëkooyë yowë tii tpatnë t'ijxnë ajotkumonë ets nëkooyë yowë jyuukyajtën y'o'oyënë.

Proverbios 18:17

Ko mëtu'uk ja'ay myiny ë'ëmpë ma kutujktaknën, jëtu'un yajmëtoy yë'ë yowë mëtëy kajpxp, e ko myiny ok mëti'ipë mëët të nyämyëtëkoyën tääts ka'ap ja y'ë'ënën y'ëktuunkojnë mëti'ipë ënety jëyëjp të myinyën.

Proverbios 19:6

Mëti'ipë ja'ay nyayäjkpyën winë ets ka'ap tii nyätyukwintuk'ookyë, aak ixtaayëp yë ja'ay ets aak oyjya'awëyëp.

Proverbios 21:14

Ko ja'ay tyäky tu'uk yë näynyamo'ojë mëët tu'uk yë oyjyot oywyinma'any, yë'ëpaat yë tsip tyajxeemy tëëyëpë tsyo'ontaknën.

1 Samuel 16:20

Yë Jesé ojts yë myaank David tjantytyuknikexy ja Saúl. Ko yë David ojts nyijkxy jam ma Saulën, tu'kjëyujk ojts tmënëjkxy ja tsajpkääky, tu'kxu'ty ja uuky ets tu'uk yë tsajppax.

1 Samuel 25:27

E tyamtsës n'amëtoy npëjktsoy ma mijtsën ets wya'kxëty ma mtuunpëtëjkën mëti'ipë mjämyëët'ajtëpën, ya'atë näynyamo'ojë mëti'ipë ya ntuknimiimpyën,