Proverbios 18:15 - Biblia Dc en Mixe de Quetzaltepec

¹⁵ Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Biblia Mixe de Quetzaltepec

¹⁵ Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Proverbios 18:15 ပူးပေါင်းရင်းမြစ်များ

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

Job 8:10

E yë aptëjkëty mayëtëp myaj'ijxpëkëtëty ets winë mtukni''ixëtëty.

Proverbios 1:5

Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Proverbios 10:14

Yë wijyjyä'äy ka'ap tnikäjpxy ko tii tjaty tnijawë, ni'ik ko tu'uk kyäjpxy yë tsuuja'ay, kutsë'ëkë yë'ë.

Proverbios 15:14

Jot winma'any wijypyë, wijyajtën y'ixtääpy, e yë tsuuja'aytyëjk yë'ë kuxëp tsuu'at.

Proverbios 15:31

Mëti'ipë ja'ay kyupëjkpyën ja näy'ojë mëti'ipë oy yajjuuky'ajtpën, nëjkxëp jam yajpaaty ma wijyjyä'äytyëjkën.

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Proverbios 4:5

Yë wijyajtën kujk'ajtën yë'ë mjawëp pëk maay. Këtii xyjyä'äytyëkoyëty yë n'aaw n'ayukës.

Proverbios 4:7

Tim mëjëyëjp yë'ë mmëjpëjkta'akëp yë wijyajtën kujk'ajtën.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

Efesios 1:17

N'amëtoopyës ja Dios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.