Proverbios 17:17 - Biblia Dc en Mixe de Quetzaltepec

¹⁷ Tu'uk yë jëëky mëku'uk xëmë tsyoky jyawë; jëtu'un nyäxy tä mëkä'äxën ko myëku'uk mon tuk yajpaaty.

Biblia Mixe de Quetzaltepec

¹⁷ Tu'uk yë jëëky mëku'uk xëmë tsyoky jyawë; jëtu'un nyäxy tä mëkä'äxën ko myëku'uk mon tuk yajpaaty.

Proverbios 17:17 ပူးပေါင်းရင်းမြစ်များ

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

1 Samuel 20:17

E ja Jonatán mëj këjää ënety t'oyjyawë ja David, paaty ojts jatëkok tnikäjpxy mëët yë Dios yë xyëëw ko tmëku'ukjawë ja David, jä'ä ko mëk ënety tsoky tjawë.

Proverbios 19:7

Pën ëyoopë yë ja'ay, yë'ëpaat yë myëkä'äx ka'ap y'oyjyawëty; ni'ik mëti'ipë je'eyë mëët oy nyäjyawëtyën, poj'am nyawa'ktu'utyë.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Dios Teety. Paaty ja Dios U'unk ka'ap tuktsëtyuny ets xytyijmëty mëkä'äx.

Rut 1:16

E ja Rut tyaa y'ëtsooy: Këtiijës xy'atsip'aty ets mijts n'ëxmatsëty. Ëjts tëëjës ntuknipëjktaakë ko mijts npanëjkxa'any; ma mnëjkxyën jamës nnëjkxa'any; ma mjuuky'ätyën jamës njuuky'ata'any. Yë mkajpn yë'ëjës nkajpn'atäämpy ets mTios yë'ëjës nTios'atäämpy.

Ester 4:14

Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

2 Samuel 1:26

Ëjts, mëkës nmony ntuky mëët mijts Jonatán mëët ko mëj këjää nmëku'ukjawë. Ko mjuuky'äjty janty tsuj janty'oy mijts xyjyëkyejpyës. Yë mtsojkën mja'awën maas ëjtsën ni'ik yë'ë nyajmëjnaxyës këtiinëm jyëtu'unëty ko tu'uk yë to'oxytyëjk xytsyojkmëty xyjya'awëmëty.

1 Samuel 23:16

Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Dios.

1 Samuel 19:2

Paaty ojts pojën tuk'ëwaanë ets t'ënëmaay: Yë Saúl, yë nteetyës, jëtu'un y'ënä'äny ko myaj'ooka'anyë; paaty yam n'ënëëmë ko jopy tsojk, mëk mnäkyëwen'atëtëty ets jam muum mnäyu'utsëtëty ma mëpaat ka'ap myajpaatyën.

2 Samuel 15:21

Tä ja Itai t'ëtsooy ja ënä'ämpë: Wintsën, tyam yajxon ntuk'ëwaanëty, pën maa mijts mnëjkxy ëjts nän jamës nnëjkxa'any, oy y'o'kën jëjp'amëty ëkë oy jyamëty ma juukyajtënën.

1 Samuel 19:3

Jopy mëëtës yë nteety ntsoona'any ets nëjkxa'antës jam ma ënety myajpaatyën. Tyamës mëët nmëtya'aka'any etsës ënät nijawëty tii ëk tuun ëkjajtëp, ntuknijawëp näjyëtu'un ënätyë.

Proverbios 16:28

Yë ja'ay mëti'ipë ëxëëk yë jyot wyinma'anyën je'eyë xëmë jyänty tsyip'ixta'ay; yë ja'ay mëti'ipë pi'tskajpxpën, je'eyë myëku'uk tyajnämyëtsiptsoonyë.

Proverbios 19:13

Ko tu'uk yë u'unkteety ka'ap niwi'ixtsow yë myaank jyä'äkyukë, ni tu'kjënu'un jotkujk kyayaj'ityë; e ko ënät yë tyo'oxytyëjk je'eyë ëxëëk jyä'äy'äty, ëtyä'äkyë'äämpy yë nyiye'etyëjk tyajma'të jyuukyajtën.