Proverbios 17:11 - Biblia Dc en Mixe de Quetzaltepec

¹¹ Yë ëxëëk ja'ay yi'iyë y'ixtääpy ma tsyiptunëtyën, koonëm tpaaty mëti'ipë ëxëëk tuunëpën.

Biblia Mixe de Quetzaltepec

¹¹ Yë ëxëëk ja'ay yi'iyë y'ixtääpy ma tsyiptunëtyën, koonëm tpaaty mëti'ipë ëxëëk tuunëpën.

Proverbios 17:11 ပူးပေါင်းရင်းမြစ်များ

2 Samuel 15:12

Ojts näjyëtu'un yë Absalón twoy yë Ahitófel, mëti'ipë mëët yë David tyuunmukyën ets mëti'ipë yë David wyäämpyën najtskajpxëpë, jam tsyëënë Guiló ets jyämyëët'atëtëty ma ënety ja wintsë'kën tyajka'anyën. Jëtu'un ojts nyimayëtë ja Absalón ja jyä'äy ets tnipëtëka'antë ja ënä'ämpë David.

2 Samuel 18:15

Ënet myiintë nimajk ja Joab ja tyuunpë ets tjaak timyaj'o'këtaktë.

2 Samuel 18:19

Ënet yë Ahimaas, yë myaank yë Sadoc, t'ënëmaay yë Joab: Tyam yë mëyajtën npëjktsoy ets xy'ëwa'atsëty yë ntu'ujës, wä'änës nëjkx yë yajkutujkpë n'ëktuk'ëwaanë ko tëë ja myëtsip y'ooky, ma ja Wintsën të yaj'ëwaatsëpëtsëmyën.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 20:22

Ënet ojts ja to'oxytyëjk tukmëmëtyä'äky ja jyä'äy ya'atë ja aaw ayuk ets tukupëjky ja kyajpn, tääts tjanty yo'ktsujktutë ja Sebá ets tkuka'tsnajxtë ja kyëpajk jam potsykyëjxm, tä ja Joab jap ëpa'tkë'p t'ëxajëy. Ja Joab ënätyë ni'ënä'ämëy tukxu'uxtëty ja tsajpkaawaj, mëti'ipë myëtoowtën ja ja'ay ets nyëjkxta'atëty ma ja jyëën tyëjkëtyën ets ma ja nyaax kyajpnëtyën, e ja Joab jam ojts nyijkxy Jerusalén ets myëtya'aka'any mëët ja yajkutujkpë.

1 Reyes 2:31

Tä ja yajkutujkpë y'ëtsooy: Tsojk nyajjotkujk'ajtëmë, nëjkx jap yaj'ook ets xyajnaaxtëkëty jëtu'un tyim yajjo'otsëty ja xyëëw maas ja nteety ja kyutujktaknën ets maas ja nkutujktaknën näjyëtu'un, mëët ja nëë poky mëti'ipë tyuuntëkooyën yë Joab, ko may ja ja'ay tyaj'o'ky.

1 Reyes 2:46

Tä ja yajkutujkpë t'ënëmaay ja Benaías, yë Joiadá myaank ets nëjkx ja Simí tyaj'ooky; tä ja Benaías tsyo'ony ets ojts tjanty yaj'ooky ja Simí. Jëtu'un ojts kyopkpëky ja Salomón ja kyutujkën.

Proverbios 17:10

Mëti'ipë ja'ay ja'akyujkëpën y'oyjya'ap ko tii yajtuk'ënëëmë ko tii oy tkatuny; e mëti'ipë ja'ay ka'ap jyä'äkyukën oy jënu'un yajwopëty, ka'ap jyä'äkyukë.

Proverbios 17:12

Nikë oy ko muum osë npatmëty këtiinëm yë tsuuja'ay ka'apë jyä'äkyukën.

Proverbios 24:21

U'unk maay, wiinkutsë'ëkë yë Dios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

Mateo 21:41

Tääts y'ëtsoowtë: Yaj'o'kta'ajëp tääpë ëxëëkja'aytyëjkëty ets ja wiinkpë tuunpëtëjk nëjkx tmo'oy ënu'kxy ja kam mëti'ipë yaktëpën ja pëjktä'äky ënätyë mëti'ipë ja wintsën patëpën.

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.