Proverbios 16:5 - Biblia Dc en Mixe de Quetzaltepec

⁵ Yë Dios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Biblia Mixe de Quetzaltepec

⁵ Yë Tios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Proverbios 16:5 ပူးပေါင်းရင်းမြစ်များ

Proverbios 11:21

Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

Job 40:12

Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Proverbios 6:29

Mëti'ipë näyajkujo'pëpën mëët yë wiink to'oxytyëjk, ëxëëk tmëjata'any.

Proverbios 16:4

Ko Dios tii winë të tyajkojy, tam yë winma'any tiikyëjxm ko të tyajkojyën; Yë'ëpaat yë ëxëëk ja'ay paatykyëjxm jyääjëty jä'ä ko jää yajtëytyuna'any ko ënety ja poky yajnipaye'ey.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Jeremias 13:15

Miitsëty Israel ja'ayëty, ja'akyukëtë wi'ix yë Wintsën të y'ënä'änyën. Këtii janty mëj janty këjxm mtimnyäjyawëty, yajxon ja'akyukë.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,