Proverbios 16:2 - Biblia Dc en Mixe de Quetzaltepec

² Yë ja'ay jëtu'un nyäjyawëty aak'oy winë tuny, Dios yë'ë y'ijxtääpy wi'ixjaty ja'ay tii tunyën.

Biblia Mixe de Quetzaltepec

² Yë ja'ay jëtu'un nyäjyawëty aak'oy winë tuny, Tios yë'ë y'ijxtääpy wi'ixjaty ja'ay tii tunyën.

Proverbios 16:2 ပူးပေါင်းရင်းမြစ်များ

Proverbios 21:2

Yë naaxwiinyëtë ja'ay aak'oy t'ixy tëkokyë mëti'ipë tyuunpy kyäjpxypën; e Dios yë'ë patëp t'ixëty pën oy ja ja'ay ja jot winma'any tmëëtëty.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Proverbios 30:12

Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Proverbios 24:12

Jä'ä ko oy mja'ënaanpëty ko ka'ap xynyijawë; ja Dios mëti'ipë winë y'ijxypyën ets nyipaye'epyën winë, wa'ats ja t'ixy tnijawë ets tyukëpäjta'ajäämpy ja ja'ay nitu'ukjaty wi'ixjaty tii të tunyën.

Salmos 36:2

Yë ëxëëk ja'ay jëtu'un nyäjyawëty oy yowë winë tuny ets aak y'oy'ixëp yowë ja'ay, ka'ap nimaa t'ixy mya'atëty ja y'ëxëëktu'un y'ëxëëk kajpxën.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Proverbios 16:25

Tää yë tu'u mëti'ipë tëy ja këxë'kpën, e jam ma jyëjpkëxyën o'kën jam.

Daniel 5:27

TEKEL: Yë yajkutujkpë tëë yaj'akijpxnaxy ma kijpxnën mëti'ipë tëëykyijpxpën ets to'tsyky të pyëtsimy;

Isaías 26:7

Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.

Apocalipsis 2:18

Nnijayë yë tsajpjotmëtë kukäjpxy jampë yajpaatyën Tiatira: Jëtu'un y'ënä'äny ja Dios U'unk, mëti'ipë ja wyiin jëtu'un këxë'kpën tä jëënyä'änkën ets ja tyeky tä ja tsuxkpujxnën mëti'ipë ajajpën.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.

Proverbios 12:15

Yë tsuuja'ay jëtu'un myäy tyäjy ko tëkokyë mëti'ipë tyuunpyën aak'oy yë'ë; e yë wijyjyä'äy myëtoow'ijtyp ko yaj'ëëwijy yajkajpxwijy.

Jueces 7:6

Ja ja'ayëty mëti'ipë nëë''uktën kë'ëmëët ets mëti'ipë jëtu'unyë ja nëë wye'epyën ukën, jä'ä nyiwinë'ajtë nitëkëëk mëko'px. E ja wiinkëtypë koonëm ja t'ëktimwyinkoxtänë tääts nyëë'uuktë.

Jueces 17:6

E tëëyëp yë Israel ja'ayëty ka'ap ënety yë yajkutujkpë tmëët'atënëm, paaty ijxtëm ja wyinma'any timpyaatën jëtu'un winë tuntë.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.