Proverbios 16:18 - Biblia Dc en Mixe de Quetzaltepec

¹⁸ Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Biblia Mixe de Quetzaltepec

¹⁸ Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Proverbios 16:18 ပူးပေါင်းရင်းမြစ်များ

Proverbios 11:2

Ko ja'ay je'eyë nyämyëjaw nyäjyääntyjyawëty, ka'ap pën y'oyjyawëty; ja'ay mëti'ipë wijyën, yu'unk naxym jyä'äy'äty.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

Romanos 11:20

Tëy jëtu'un. Ojts jyänty yajkatspuxy je'eyëp ko yë'ë ko ka'ap myëpëjktë, e mijts paaty jam myajpaaty jä'ä ko mmëët'ajtyp ja mëpëjkën. E paaty mijts këtii mnämyëjjawëtëty, këtiipë näjyëtu'un myajkatspuxëty.

Proverbios 17:19

Mëti'ipë yajjoot'anpëjkpën, je'eyë tsyiptuna'any. Mëti'ipë tii ajotkumonë tyuunpyën, ëxëëk nyäyajjatyë.

Ester 6:6

Ënet ja Amán nyäjxy tëkoty ets ja yajkutujkpë yajtëëwë: ¿Wi'ix jëtää mëpaat yajkukajpxë ja ja'ay mëti'ipë ja yajkutujkpë y'oyjya'apën? Tä ja Amán kë'ëm nyäjya'awëy'ijtë ets myäy tyäjy: ¿Pën jëtää jëtu'un yë yajkutujkpë y'ëk'oyjya'ap tä ëjtsën, tyaapë ëjtsën xy'antijp?

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Daniel 5:22

E tyam, mijts Belsasar yajkutujkpë, ja myaank ja mëti'ipë yam ntukmëmëtyäkpyën; mijts nän najëtu'un yaj'ixy kyëjääjë xyajtso'ontä'äky yë mjuukyajtën, amëj akëjxm yaj'ixy mja'ay'äty.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Ester 3:5

E ko ja Amán tjanty'ijxy ko tëytyëm ko ka'ap ja Mardoqueo kyoxtänë ko nyäxy, ënät ojts yajxon jyänty jyoot'anpëky;

Daniel 5:24

Paaty të tkexy ja kë'ë mëti'ipë të tja'ayën ya'atë ayuk,

Mateo 26:74

Ënet ja Pedro kanaak ok y'ënäny: Ka'apës tääpë ja'ay n'ixy'äty. Ënet ojts tu'uk ja këtseynyë'aaw yaaxë'ëky,

1 Samuel 17:42

Ko ja filistejë ja'ay tuk'ijxpejty ja David ets t'ijxy ko janty pi'k ëna'knëm, janty tsapts ja wyiin jyëjp ets janty'oy kyëxë'ëky, ka'ap ojts mëj timy pyiky,

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Ezequiel 29:9

Aanë'ëk tëëtsë'ëk mkawinpita'any ets ja ja'ay t'ijxkaptëty ko ëjts Wintsën. Mijts jëtu'un m'ënany: Yë Nilë ëjts yë njä'ä, ëjtsës n'oytyuun.

Jueces 11:28

E ja Jefté oy ojts ja aaw ayuk tjakexy, ja yajkutujkpë mëti'ipë jam ënä'ämpën ma Amón ja'ayëtyën ka'ap tja'akyujkëy ets ka'ap timtyuunyë këwentë.

Jeremias 50:32

Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Ezequiel 28:17

Mëët ko ënety m'oyëty mtsujëty yë'ë ojts amëj akëjxm myaj'awinpityë ets ko ënety mëj jaanty mnäjyawëty ënät ojts tyëkooytyä'äy ja m'ixpëkyajtën. Ojts njaamteeny nnaaxteeny ets nëxi'iky tukxi'iky ojts nyajwë'ëmy ma wiinkëtypë yajkutujkpëtëjkën.

Daniel 11:12

Ko ënety ja yajkutujkpë ëpa'tkë'ëytsyowpë të myëtä'äky ets ko ënety may ja myëtsip të tyaj'ooky yë'ë nëjkx mëj këjxm nyätyukyajnaxyë, je'eyëp ko ja kyutujkën ka'ap nëjkx jeky y'ity.

Lucas 14:9

ets ja kujëën kutëjk myinëty ets mnë'mxëtëty: Jëwääts jää wä'än ya'atë ja'ay yë'ë jää t'u'unyë. Tääts mijts tsëtyu'unmëët mpëtë'ëktëty ets jam muum jëxkë'ëm mjaaknaaxwäätsëty.