Proverbios 16:14 - Biblia Dc en Mixe de Quetzaltepec

¹⁴ Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Biblia Mixe de Quetzaltepec

¹⁴ Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Proverbios 16:14 ပူးပေါင်းရင်းမြစ်များ

Génesis 40:2

Ënet yë yajkutujkpë ojts tukjoot'anpëjky ja nimäjtskpë ja ja'ayëty, mëti'ipë nyiwintsën'ajtypyën ja uuky ets ja tsajpkääky.

Ester 7:7

Ënet ja yajkutujkpë Asuero yajxon jyoot'anpëjky ets wyä'ätsë'ky, jap ojts nyijkxy tëjk'ëjxy ma ja pëjykyamën. E ja Amán ko t'ijxy ko tëë ja yajkutujkpë tuknipëjktaakë ko yaj'ooka'anyë, ënät tyëjkëy nu'kxtakpë ma ja Ester yajpaatyën ets t'ënëmaay ko wä'än pyokmye'kxyë.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 16:13

Yë yajkutujkpëtëjk oy tsoktë ko yë ja'ay kyäjpxy myëtyä'äky mëët yë näwyinkutsë'ëkë ets tëyajtën.

Proverbios 16:15

Ko yë yajkutujkpë jotkujk nyäjyawëty juukyajtën y'akäjpxyp; ets ko tii tkupëky jëtu'un tä yoots nëma'ajën ko tyu'uy pyojy.

Proverbios 17:11

Yë ëxëëk ja'ay yi'iyë y'ixtääpy ma tsyiptunëtyën, koonëm tpaaty mëti'ipë ëxëëk tuunëpën.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Proverbios 20:2

Ko tu'uk yë yajkutujkpë jyoot'anpëky, jëtu'un tä kaa nyiitsyën; pën yajjoot'anpëkëp jam ënety nyäpyëjktä'äkyë o'kënjëjp'am.

Proverbios 29:26

May yë ja'ay tsojkën'aty ets y'oyjyawëtëty yë yajkutujkpë, yë Dios yë'ë tu'uk nipaye'epy.

Proverbios 29:8

Ko ja'ayëty ëxëëk nyä'ämtë, yë naax kajpn jëtu'un yaj'ixy ka'ap yowë jotkujk yajpaaty; yë wa'ats ja'aytyëjk tëë tnijawëtë wi'ix tyaj'ëmontëtyën yë mayjyä'äy.

Eclesiastés 10:4

Pën mtukjoot'anpëjkëp yë ja'ay mëti'ipë yajkutujkpën, mëk xymyajts'itëty yë mjot mwinma'any; mëj tsooy nyäxy ko ka'ap nëkoo ja'ay jyot'ëtë'ëtsy ko tii mëj këjää tuuntëkoy.

Daniel 2:16

Ënet ja Daniel ojts nyijkxy ma ja yajkutujkpën ets tpëjktsooy wä'än myo'oyë tu'kxëëw mäjtsk xëëw ja juukyajtën ets yajniwijxëtëty ja wyinkuma'ay wi'ix nyiwijyën.

Marcos 6:27

Ënet ja tyuunpë tu'uk tkejxy ets tmëminëty ja Juan Yajnëëpäjtpë ja kyëpajk. Ënet ja tuunpë ojts nyijkxy ma pujxntëjkën ets tyo'kpujxtuty ja Juan,

Hechos 12:20

Myëtsip'ajtyp ijty ja Herodes ja ja'ayëty mëti'ipë jam tsënaaytyëpën Tirë ets Sidón, mëti'ipë ojts nyäkyajpxëtë ko jam nyëjkxa'antë ma ja Herodes yajkutukyën. Oy ja Blasto tmëëtmëtyaktë ets kyupëjkëtë. Yë Blasto mëj wintsën ijty y'ity ma ja Herodes yajkutukyën. Ojts nëëmëtë ko oy mëët y'ita'antë ets ko ka'ap tiitsip mëët tuna'antë, jä'ä ko ja Tirë ets Sidón jam winë tyajtsoontë ma ja Herodes ja kyutujktaknën.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.