Proverbios 15:28 - Biblia Dc en Mixe de Quetzaltepec

²⁸ Yë oy'jyä'äy, jëyëjp tmëmay tmëtajy wi'ix y'ëtsowa'anyën; e yë ëxëëk ja'ay nëkooyë tnajtsmatsë ëxëëk ayuk.

Biblia Mixe de Quetzaltepec

²⁸ Yë oy'jyä'äy, jëyëjp tmëmay tmëtajy wi'ix y'ëtsowa'anyën; e yë ëxëëk ja'ay nëkooyë tnajtsmatsë ëxëëk ayuk.

Proverbios 15:28 ပူးပေါင်းရင်းမြစ်များ

Salmos 59:7

Je'eyë o'pky pyëtsëëmnë ma y'aawëtyën, ko kyajpxtë tä ëxëëk yajmëtoyën, ets y'ëna'antë: Ka'ap ma pën, pën xy'ëkmëto'owmëp.

Proverbios 10:19

Mëti'ipë ëxëëk y'amëtyä'äkyëtyën ka'ap tjawë jëna'a kyajpxtëkoy; wijyjyä'äy nyäxy mëti'ipë amonyë ijtpën.

Proverbios 10:32

Yë wa'ats ja'ay aakyë'ë kyäjpxy oypyë; yë ëxëëk ja'ay aakyë'ë kyäjpxyp tëkatsypë.

Proverbios 13:16

Ja'ay mëti'ipë wijyën aak winma'anymyëët winë tuny, e ja'ay mëti'ipë tsuujën, tyimyajnikëxë'kojpy ënätyë ko tsyuujëty.

Proverbios 15:2

Yë wijyjyä'äytyëjkëty yë'ë kyajpxtëp wijyajtën; e yë tsuuja'ayëty yë'ë kyajpxtëp tsuu'at.

Proverbios 16:23

Ja'ay mëti'ipë yajxon winë myëmääpy myëtäjpyën, yajxon winë t'ëy tkäjpxy; ets y'aaw y'ayuk poj'am yajjotuky.

Proverbios 29:11

Yë tsuuja'ay ënätyë tkajpxpëtsëmy mëti'ipë myääpy tyäjpyën ets jëtu'un winë tuny, e yë wijyjyä'äy tyukjajtyp wi'ix tmajts'itëtyën yë y'aaw yä'än.

Proverbios 29:20

Yë tsuuja'ay wä'än jëna'a wyinma'anytyëkëty, këtiinëm yë ja'ay mëti'ipë je'eyë mëtyakpën ets ka'ap tmëmay tmëtajy mëti'ipë kyäjpxypën.

Eclesiastés 5:2

Këtii mjot'ëtë'ëtsëty ets ënätyë tii xywyaanta'aka'anëty ma Tiosën, jä'ä ko yë Dios tsajpjotm yë yajpaaty ets mijts naaxkëjxy. Paaty mijts wäänjaty mëtya'akëty,

Eclesiastés 5:6

Këtii xykyupëkëty ets mwiin m'aaw myajtëkoyëtëty, këtiipë ok m'ëna'anëty ma ja Wintsën ja kyäjpxynyajxpën: tëëjës ntëkoy. Këtii nëkoo Dios je'eyë xyajjoot'anpëkëty këtiipë tyajkutëkoyëty mëti'ipë të xy'oytyunyën.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.