Proverbios 15:23 - Biblia Dc en Mixe de Quetzaltepec

²³ Jotkujk ko oypyë kajpx'ëtso'owën yajpaaty, ets ni'ik ko jää ma myëyätyën.

Biblia Mixe de Quetzaltepec

²³ Jotkujk ko oypyë kajpx'ëtso'owën yajpaaty, ets ni'ik ko jää ma myëyätyën.

Proverbios 15:23 ပူးပေါင်းရင်းမြစ်များ

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Proverbios 12:14

Tu'uktu'uk yë ja'ay jëtu'un tii tpaaty ijxtëm tii tnimëtyä'äkyën; ets jëtu'un yajmëjuy ijxtëm tii tunyën.

Proverbios 16:13

Yë yajkutujkpëtëjk oy tsoktë ko yë ja'ay kyäjpxy myëtyä'äky mëët yë näwyinkutsë'ëkë ets tëyajtën.

Proverbios 24:26

Mëti'ipë ja'ay oy yajxon ëëw'ëtsoop kajpx'ëtsoopën, jëtu'un yë nyäxy tä jeexyë pën t'amëtsu'kxën.

Eclesiastés 3:1

Yaa naaxwiiny naaxkëjxy aak myëët'ajtääpy winë nyixëëw nyijëmëjt; nyixëëw nyijëmëjt pyätyp ko tii tyunyë jyätyë:

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Job 6:25

Mëtëypyë aaw ayuk ka'ap tjëkyepy pën t'ëtukëty; miitsëty nanëkookyëjxm je'eyë xy'ojtë xya'axtës.

Proverbios 12:25

Yë monyëtukyë je'eyë ja'ay ëxëëk tyajnäjyawëty; e ko pën oy myëxony myë'ityë, tääts jyotkujkë.

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Juan 1:37

Ko jëtu'un tmëtoowtë ja Juan ja y'ijxpëjkpëtëjk ja nimäjtskpë ënät ojts tpanëjkxtë ja Jesús.

Juan 11:29

Wi'ix ja Maria jëtu'un tmëtooy, ënätyë tsyo'ony ets ojts ninëjkxy ja Jesús.