Proverbios 15:22 - Biblia Dc en Mixe de Quetzaltepec

²² Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Biblia Mixe de Quetzaltepec

²² Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Proverbios 15:22 ပူးပေါင်းရင်းမြစ်များ

1 Reyes 1:12

Paaty yam n'ënëëmë minëty, tyam nmo'oja'any tu'uk yë kajpxwijën, tii mëpaat xytyuntën ets mtso'oktëty mëët yë maank Salomón.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

Proverbios 11:14

Pën tu'uk yë yajkutujkpë ka'ap oy y'ëne'emy, yë naax kajpn o'ktëy jyäty kyëpety; ënät winë oy wyimpëtsëmy jyëjpëtsëmy ko nyimay'atë mëti'ipë najts'ë'ëw najtskajpxëtëpën.

Proverbios 15:21

Yë tsuuja'ay tyukxoontäkpy ko tsyuujëty; e wijyjyä'äy, kë'ëm tyaj'oyë ma winë oy të tkatunyën.

Proverbios 15:23

Jotkujk ko oypyë kajpx'ëtso'owën yajpaaty, ets ni'ik ko jää ma myëyätyën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 24:6

Jëtu'un ko yë tsip yajniwinmayë, jëyëjp yë ja'ay yajxon tmëmay tmëtajy; e ko pën myëtä'äky jam tsipjotm, paatykyëjxm myëtä'äky jä'ä ko nyimay'atë mëti'ipë najts'ë'ëw najtskajpxëtëpën.

Eclesiastés 8:6

Yaa naaxwiinyëtë aak tää nyiwinma'any wi'ix tii mëpaat oy yajtunyën, je'eyëp mëti'ipë ka'ap yajnijawën