Proverbios 15:21 - Biblia Dc en Mixe de Quetzaltepec

²¹ Yë tsuuja'ay tyukxoontäkpy ko tsyuujëty; e wijyjyä'äy, kë'ëm tyaj'oyë ma winë oy të tkatunyën.

Biblia Mixe de Quetzaltepec

²¹ Yë tsuuja'ay tyukxoontäkpy ko tsyuujëty; e wijyjyä'äy, kë'ëm tyaj'oyë ma winë oy të tkatunyën.

Proverbios 15:21 ပူးပေါင်းရင်းမြစ်များ

Efesios 5:15

Paaty nëëmëtë niwijy nikejy winë xytyuntëty. Ka'ap jëtu'un mjuuky'atëty tä tsuuja'ayën, wijy kejy myajpaattëty.

Proverbios 10:23

Yë tsuuja'ay jotkujk nyäjyawëty ko tii tuuntëkoy; yë wijyjyä'äy jotkujk nyäjyawëty ko tii niwijy tuny.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

Proverbios 14:9

Yë tsuuja'aytyëjk kë'ëm nyätyukxi'ikëtë ko tii tuuntëkoytyë; e ma oyjyä'äytyëjkëtyën yë'ë myëmaay myëtajtëp wi'ix tii oy tuntëtyën.

Proverbios 11:12

Ja'ay ka'apë oy yë jot winma'any tmëëtëtyën je'eyë myëku'uk wiinkjaty tnimëtyä'äky; e yë ja'ay mëti'ipë jap yë wyinma'anyën amonyë y'ity.

Santiago 3:13

Pën jää pën wijypyë kejypyë ma miitsëtyën ëkë ja'akyujkëpë mëtoowkujkëpë, wä'än tyajkwinkëxë'ëky mëët ja y'oyjä'äyajtën, yujy tëtä'äky jyuuky'atëty ijxtëm tii tnijawën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Proverbios 14:8

Yë wijyajtën yë'ë wijyjyä'äy tyukja'akyujkëp ma tii tunyën; e yë tsuuja'ay yë'ë nätyukwin'ë'ënëp ko tsyuujëty.

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Proverbios 4:25

Mëj këjää ja mwinma'any xyajjëtitëty, ets jëtu'un akujk jotkujk mnaxëty mtëkëty.

Proverbios 4:26

Yajxon xytyim'ixëty ma mnaswa'akën, jëtu'un jotkujk mnë'ëye'ey mtu'uye'eyëty.