Proverbios 15:18 - Biblia Dc en Mixe de Quetzaltepec

¹⁸ Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Biblia Mixe de Quetzaltepec

¹⁸ Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 15:18 ပူးပေါင်းရင်းမြစ်များ

Proverbios 26:21

Ko jëënpajk xytsyokëty, jëënkupëk yë ju'uny, e ko yë jëënyä'änk xytsyokëty, jëënkukap yë ja'axy; e näjyëtu'un ko xytsyokëty yë tsip käjpxy, ëxëëk mja'ay'atëty.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Mateo 5:9

Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Eclesiastés 10:4

Pën mtukjoot'anpëjkëp yë ja'ay mëti'ipë yajkutujkpën, mëk xymyajts'itëty yë mjot mwinma'any; mëj tsooy nyäxy ko ka'ap nëkoo ja'ay jyot'ëtë'ëtsy ko tii mëj këjää tuuntëkoy.

Proverbios 16:28

Yë ja'ay mëti'ipë ëxëëk yë jyot wyinma'anyën je'eyë xëmë jyänty tsyip'ixta'ay; yë ja'ay mëti'ipë pi'tskajpxpën, je'eyë myëku'uk tyajnämyëtsiptsoonyë.

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Proverbios 25:15

Ko ja'ay y'ëwxity myä'kxtuky yajxe'empy yë äkë. Ko ja'ay oy tsuj xyony y'ity yajjotujkpy ja'ay mëti'ipë kujuunën.

2 Samuel 19:43

Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

Proverbios 15:19

Ja'ay mëti'ipë nuuxën äpnyjyot tu'u t'ixy; e yë ja'ay mëti'ipë oy winë tyuunpyën, mëjwiin ëwaatsë tu'u t'ixy.

Proverbios 16:14

Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Proverbios 22:24

Këtii xymyëku'ukjawëty yë ja'ay mëti'ipë ëxëëk ëtëtsp ënaanpën, ets mëti'ipë xëmë äjkëpën tooyëpën,