Proverbios 15:12 - Biblia Dc en Mixe de Quetzaltepec

¹² Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Biblia Mixe de Quetzaltepec

¹² Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Proverbios 15:12 ပူးပေါင်းရင်းမြစ်များ

2 Crónicas 18:7

Ënet ja yajkutujkpë t'ëtsooy ja Josafat: Tää wiinkpë mëti'ipë tyam yaa ka'ap yajpaatyën, mëti'ipë jyëkyejpyën näjyëtu'un nyajtë'ëwmëty wi'ix ja Wintsën y'ënä'änyën. Yë'ë Micaías, yë Imlá myaank. Je'eyëp tëy ko ëxëëkës tääpë ja'ay n'ixy, jä'ä ko ka'ap nijëna'a tii oy tnikäjpxy, aak ëxëëk winë tnimëtyä'äky. Tä y'ëtsooy ja Josafat: Këtii jëtu'un m'ëna'any.

Job 21:14

Jëtu'un yë Dios t'ënëmaaytyë: Jotkujk ëëts yajjuuky'ajtëk, ka'apës nijawëja'antë mëti'ipë m'ënä'ämën'ajtypyën.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 13:1

Yë u'unk ëna'k mëti'ipë wijyën, kyupëjkpy yë näy'ojë ko tyeety tyukmëkäjpxyë ko tii oy tkatuny; e yë pi'k ëna'k mëti'ipë ka'ap kyäjpxyjyä'äkyukën, nijënu'un tkatimtyunyë këwentë oy tii jyayajtuk'ojy.

Proverbios 14:6

Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Proverbios 15:10

Mëti'ipë ja'ay oynyë'ë oytyu'u y'ëxmajtsypyën, yë'ë mëët wyimpity näywyop näkya'atsë. Pën y'ëxëëkja'ap ko tii yajtukumëtoy, kë'ëm nyäyaj'ooky nyäyajtëkoyë.

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.