Proverbios 14:7 - Biblia Dc en Mixe de Quetzaltepec

⁷ Timnäjyëpëkët ma tsuuja'ayën, jä'ä ko ma yë'ë tii tnimëtyä'äkyën ka'ap jam tii xypyaatëty.

Biblia Mixe de Quetzaltepec

⁷ Timnäjyëpëkët ma tsuuja'ayën, jä'ä ko ma yë'ë tii tnimëtyä'äkyën ka'ap jam tii xypyaatëty.

Proverbios 14:7 ပူးပေါင်းရင်းမြစ်များ

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Proverbios 19:27

U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënety m'ëxmajtsyp ja oypyë ja ëëwwijën kajpxwijën.

Proverbios 14:6

Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Proverbios 23:9

Këtii xytyatsk mmëkajpxëty yë tsuuja'ay, jä'ä ko je'eyë tukxi'ika'any ja mwijy aaw mwijy ayuk.

Jeremias 28:11

Tyam tuktëjë tyam y'ënä'äny ma ja mayjyä'äyën: Jëtu'un yë Wintsën y'ënä'äny: Jëtu'un jyata'any kyëpäta'any ja mäjtsk jëmëjt, ntuktëjëtya'ajäämpyës ja tejpxy ma ja naax kajpnëtyën mëti'ipë ja Babilonyë yajkutujkpë të tsumy të tmatsyën ets ntuktëjëtya'aja'anyës ja kyutujkën tä yajtuktëjën yë tsajpkaakukë'ë. Ets ja Jeremías tim tso'on jam ënätyë.