Proverbios 14:6 - Biblia Dc en Mixe de Quetzaltepec

⁶ Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Biblia Mixe de Quetzaltepec

⁶ Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Proverbios 14:6 ပူးပေါင်းရင်းမြစ်များ

Salmos 119:18

Yajwatsëkës yë n'ijxën nko'owën, etsës n'oy'ixëty mëti'ipë mijts m'ijxpëjkën'ajtypyën.

Proverbios 1:5

Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Proverbios 14:5

Ja ja'ay mëti'ipë tii të t'ixyën mëtëy tii tnimëtyä'äky; e mëti'ipë ka'ap tii të t'ixyën yë'ë antakp.

Proverbios 14:7

Timnäjyëpëkët ma tsuuja'ayën, jä'ä ko ma yë'ë tii tnimëtyä'äkyën ka'ap jam tii xypyaatëty.

Proverbios 15:12

Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Proverbios 17:16

Yë tsuuja'ay, oy jënu'un yë wit meeny tjamëëtëty ets tjajuya'anëty yë wijyajtën, ka'ap tjëkyepy jä'ä ko ka'ap jyä'äkyukë.

Proverbios 17:24

Yë wijyajtën myëmääpy myëtäjpy tpaata'any wijyjyä'äy, e yë tsuuja'ay ka'ap tmëmay tmëtajy tii pyatäämpy.

Proverbios 18:2

Yë ja'ay winma'anytyukpë ka'ap tmëmay tmëtajy tii tjatëty; yi'iyë nätyukmëjja'awëyëp ko yiin wään tii tnijawë.

Proverbios 24:7

Yë ja'ay mëti'ipë tsuujën ka'ap tnijawë wi'ix y'ëna'anëtyën ko jam jyä'ty ma kutujktaknën, jä'ä ko wijyajtën ka'ap yajpaaty ma yë'ëjën.

Proverbios 26:12

Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

Proverbios 8:8

Tu'kë'ëyë yë n'aaw n'ayuk aakyë'ë mëti'ipë tëyajtënën. Ka'apës yë'ë nkäjpxy mëti'ipë ka'ap tyiyëtyën.

Proverbios 8:9

Yë ja'ay mëti'ipë wijyën ets mëti'ipë ja'akyujkëpën, wyinja'ap yë n'aaw n'ayukës.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.

1 Corintios 8:2

Pën jää pën y'ënä'äny ko tii tjaty tnijawë, ka'anëm tnijawë ijxtëm pyaat'atyën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.