Proverbios 14:32 - Biblia Dc en Mixe de Quetzaltepec

³² Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Biblia Mixe de Quetzaltepec

³² Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 14:32 ပူးပေါင်းရင်းမြစ်များ

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Job 18:18

Jam nëjkx yajjëpijpëtsëmy ma xyiiny'ätyën ets nëjkx yajkujëpipë akootstuuy; nëjkxëp yaj'ëxwojpnë naaxwiiny naaxkëjxy.

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

Salmos 23:4

Oyës muum naxëty akootstuuy, ka'apës ntsë'ëkëja'any, jä'ä ko mijts Wintsën mijts myajpatp ma ëjtsën, ja mkepy mtajk yë'ëjës xytyuk'ateenytyujkp xytyuk'axajtujkp, paaty akujk jotkujk ntuk'ijxpetyës.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 58:9

Wä'än tnitoytyë tä äpnyën ma ka'anëm tii tnijawëtën, wä'än mëët yë joot'an tyajnujkë'ëktë tä tsuxk ujts yajnujkë'ëkyën.

Salmos 73:24

tëës mijts xytyu'uwinye'ey mëët yë m'ëëwij mkajpxwijën, e ko ja xëëw jëmëjt tpaatëty mijtsës xy'ëxajëjaanp mëët yë xoontakën.

Proverbios 11:5

Ko jyää'aty ja oypyë nipaye'eyën, ja wa'ats ja'aytyëjk o'oyëtëp ja tyu'ujëty; e ja ëxëëk ja'ay ëxëëk tmëjaty ja y'ëxëëktu'unën.

Proverbios 14:33

Yë wijyajtën jap tsyëënë ma jot winma'anyën mëti'ipë oy määpy tajpën; e ma tsuuja'aytyëjkën ka'ap jëtu'unpë yajnijawë.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Proverbios 6:15

Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Lucas 2:29

Tyam, Wintsën, tëë ja mwaantakën y'atëy. Oyës n'o'knëty akujk jotkujk.

Juan 8:21

Ënet ja Jesús t'ënëmaaykyojnëpë ja mayjyä'äy: Nëjkxpës ets miits xy'ixta'aja'antës, je'eyëp ko mku'ookëjantëp miits ja mpokyëty. Maas nnëjkxyën, ka'ap tjëkyepy jam mnëjkxtëty.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Romanos 9:22

Dios jyamëët'ajtyp ja kuttujkën ets jeexyë ja naaxwiinyëtë ja'ay tukumëtoy ja pyoky, je'eyëp ko yë'ë mëk tmëmä'kxtuky ja ja'ay mëti'ipë japaat'ajtëtëp ja ëyo'on.

2 Corintios 1:9

Jëtu'unës ënety ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Dios ntuk'ijxpätëtyës, mëti'ipë ja o'kpë yajjuukpyijkpyën.

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

Filipenses 1:21

Mëët ëjts, koos njuuky'äty, yi'iyës ntsojkpy wi'ix ja Kristë mëjjaw jaantyjawë y'itëtyën; ets pën o'kpës, oy ënety mëët ëjts.

Filipenses 1:23

Aak oy mäjtskpëky, ¿mëti'ipës tëy nwin'ijxnëp? Tu'kpëky, njatsojkpyës etsës jeexyë n'o'knë ets mëët ja Kristë nëjkx nyajpaatyës, yë'ëjës oy nja'ap.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

2 Timoteo 4:18

ets xyaj'ëwaatsëpëtsëmaanpnëmës maajaty ja ku'oypyën ets xyajnëjkxa'anyës jam tsajpjotm ma yë'ë yajkutukyën. Yë'ë jyä'ä'ajtyp ja mëj'ajtën jaanty'ajtën xëmëkyëjxm. Tëy jëtu'un.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.