Proverbios 14:30 - Biblia Dc en Mixe de Quetzaltepec

³⁰ Ko yë ja'ay xeemy yë jyot wyinma'any, po'kxp yë jyot nyini'kx; e ko yë jyiiky myëku'uk t'ëxëëk'ixy, ka'ap nijënu'un yë jyot nyini'kx jyotkujk'aty.

Biblia Mixe de Quetzaltepec

³⁰ Ko yë ja'ay xeemy yë jyot wyinma'any, po'kxp yë jyot nyini'kx; e ko yë jyiiky myëku'uk t'ëxëëk'ixy, ka'ap nijënu'un yë jyot nyini'kx jyotkujk'aty.

Proverbios 14:30 ပူးပေါင်းရင်းမြစ်များ

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.

Job 5:2

Ko xëmë je'eyë nmo'onmëty ntujkmëty ets nmä'ämyëty ntajmëty, nëkoopë yë'ë, tsojk nän yi'iyë nätyukyaj'o'këmëty.

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

Proverbios 12:4

Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Proverbios 15:13

Jot winma'any jotkujkpë, wiinkëjxm jëjpkëjxm yaj'ixy jotkujk; jot winma'any pa'am mëëtpë, wiinkëjxm jëjpkëjxm yaj'ixy mon tuk.

Proverbios 17:22

Mëk tsooy yë'ë ko ja'ay jotkujk nyäjyawëty; e ko ja'ay mon tuk nyäjyawëty, tim këjxtääpy tjawë yë jyot myëjaaw.

Proverbios 3:8

Yë'ë jëtu'un tu'uk mëk tsooy ets ja mjot mnini'kx tuk'oy'atëty.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Hechos 7:9

Ya'atë Jacob yë y'u'unk y'ëna'k, mëti'ipë n'ap'ajt nteety'ajtëmën, myë'äkë'ajtëp ijty ja y'uty José. Paaty ojts tooktë ets ja ja'ay yajnëjkxë jap Egiptë. E ja José ka'ap ja Dios y'ijxmajtsë.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

2 Timoteo 1:7

Dios ka'ap yë'ëjëty të xymyo'oyëm ja jot ja'awën mëti'ipë yajtsë'këpën, yë'ë të xymyo'oyëmë ja kënu'kxymyëk'ajtën mëti'ipë myëët'ajtypyën ja mëk'ajtën, nätsyok näjyawë ets wijy'ajt kujk'ajtën.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.