Proverbios 14:3 - Biblia Dc en Mixe de Quetzaltepec

³ Ma tsuuja'ay tii tkäjpxyën jam yajmëtoy ko nyämyëjjawëty; e ma tii tkäjpxyën yë wijyä'äy jam yajmëtoy wi'ix nyäkyuwa'anyën.

Biblia Mixe de Quetzaltepec

³ Ma tsuuja'ay tii tkäjpxyën jam yajmëtoy ko nyämyëjjawëty; e ma tii tkäjpxyën yë wijyä'äy jam yajmëtoy wi'ix nyäkyuwa'anyën.

Proverbios 14:3 ပူးပေါင်းရင်းမြစ်များ

Job 5:21

Yë'ë nëjkx mkuwa'anyë ko pën ëxëëk mnikajpx mnimëtya'akëtëty, mijts ka'ap nëjkx mtsë'ëkë oy tii ëyo'on jyamin jyakëta'akëty.

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Proverbios 12:6

Ko yë ëxëëk ja'ay kyäjpxy kutsë'ëkë yë'ë, e ko yë wa'ats ja'ay kyäjpxy yë'ë yäjkpy yë nitsokën.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 14:4

Pën ka'ap yë tsajpkaa, ka'ap tjëkyepy yë tsajpmok yajniyu'ujëty; yë tsajpkaa yë'ë myëjaaw yajtuunpy ets may yë tsajpmok yajniyu'ujë.

Proverbios 18:6

Yë tsuuja'ay ko ka'ap tmajts'ity yë wyiin y'aaw, ëxëëk tmëjaty. Mëët ko ka'ap tukjaty wi'ix kyajpxëty myëtya'akëty yajxon muum yajwinkoxy.

Proverbios 18:7

Yë tsuuja'ay kyë'ëm aaw kyë'ëm ayuk ëxëëk nätyuktuunëp; mëët yë'ë ko ka'ap tmajts'ity ja y'aaw yä'än, jëtu'un tpaaty tä jeexyë nyätyukyo'kwitsëty yë tejpxy.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Proverbios 22:8

Mëti'ipë ja'ay yaj'ijxëpën yë ëxëëk jot ëxëëk winma'any; Dios nëjkx mëj këjää tyukpoky'ätyë mëët ja joot'an.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Daniel 7:20

Näy jä'äs ënety nijawëjäämpy ja mëti'ipë majk ja wyajën ets ko yaj'ixy ja wyiin tmëëtëty ja mutskpë wyaj mëti'ipë pëtsëëmpën ma mëjätyëtypyën ets ko kyäjpxy amëj akëjxm yajmëtoy kyäjpxy, jëtu'un yajmëtoy ni'ik yowë myëjëty ets ojts tëkëëk nyëka'ay ja mëjatyëtypë ets yë'ë pyëtsiimy.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.