Proverbios 14:26 - Biblia Dc en Mixe de Quetzaltepec

²⁶ Ko yë Dios nmëjpëjktakmëty, yäjkpy yë akujk'ajt jotkujk'ajtën, näjyëtu'un ma u'unk ëna'kën.

Biblia Mixe de Quetzaltepec

²⁶ Ko yë Tios nmëjpëjktakmëty, yäjkpy yë akujk'ajt jotkujk'ajtën, näjyëtu'un ma u'unk ëna'kën.

Proverbios 14:26 ပူးပေါင်းရင်းမြစ်များ

Génesis 31:42

Ko jeexyë ja Dios xykyani''ijxkëtä'äkyës mëti'ipë yë Abraham y'ëwtajtën, ja Dios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Dios yë'ë të t'ixy, ko ënety ëjts mon tuk nyajpaaty ets koos ënety mëk ntuny n'ëyoy, paaty ya'atë tsu'um të mëkmëkäpxyë.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Proverbios 14:27

Ko yë Dios yajmëjpëjktä'äky juukyajtën ënety yajpatp ets yë'ë ënety yajpatp ja nitsokën jam o'kënjëjp'am.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Proverbios 19:23

Ko yajwinkutsë'ëkë yë Dios yajpatp yë juukyajtën; jotkujk ja'ay jyuuky'äty ets ka'ap tii ëxëëkpë pyäätyë.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Jeremias 15:11

Atëwaanp maas të xypyoktën, pën ka'ap oy të nmëtuny ets pën ka'apës të nijëëytyä'äky të ninu'kxtä'äky yë nmëtsipës ma ënety ëxëëk jyatën kyëpätën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.