Proverbios 14:2 - Biblia Dc en Mixe de Quetzaltepec

² Mëti'ipë ja'ay oy winë tyuunpyën wyinkutsë'këp yë Dios; e mëti'ipë tëkatsy winë tyuunpyën, jëkäm jëxkë'ëm Dios tpëjktä'äky.

Biblia Mixe de Quetzaltepec

² Mëti'ipë ja'ay oy winë tyuunpyën wyinkutsë'këp yë Tios; e mëti'ipë tëkatsy winë tyuunpyën, jëkäm jëxkë'ëm Tios tpëjktä'äky.

Proverbios 14:2 ပူးပေါင်းရင်းမြစ်များ

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

2 Reyes 17:34

Tyampaat je'eyëm jëtu'un tyajtu'uye'eytyë, ka'ap yë Wintsën t'ëwtatë ets ka'ap tuntë jëtu'un tä ja Wintsën ja y'ënä'ämën tyiyajtën myinyën, ni tkatuntë këwentë mëti'ipë ojts ja Wintsën tjatuk'ëne'emyën ja Jacob ja y'u'unk y'ëna'k, mëti'ipë yajxëëwpäjtën Israel kajpn.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Job 12:4

Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

Proverbios 11:12

Ja'ay ka'apë oy yë jot winma'any tmëëtëtyën je'eyë myëku'uk wiinkjaty tnimëtyä'äky; e yë ja'ay mëti'ipë jap yë wyinma'anyën amonyë y'ity.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënety nnäkyëwent'ajtëmë.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Proverbios 19:1

Nikë oy ko ja'ay y'ëyoy ets mëtëy jyuuky'äty, ets këtii ko tsuu poj jyä'äy'äty ets ëxëëk ja jot winma'any tmëëtëty.

Proverbios 2:15

Jam nyaxtë tyëkëtë ma ja në'ë tu'ujën ka'apë myëtëyëtyën, ja në'ë tu'u mëti'ipë mëtëyën tëë t'ëxmatstë.

Proverbios 28:6

Nikë oy'ajtp ni'ik ko ja'ay y'ëyoy ets oyjya'awëyëp oypyënëty, ets këtii ko ja'ay kyumeenyëty ets ëxëëk jyä'äy'äty.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:35

kyupëjkpy pën wintsë'këyëp ets pën tyuunpy mëti'ipë paat'ajtëpën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.