Proverbios 14:19 - Biblia Dc en Mixe de Quetzaltepec

¹⁹ Yë ëxëëkja'aytyëjk winta'ak naaxkow jam jya'ta'antë ma oyjyä'äytyëjkëtyën. Yë ëxëëkja'aytyëjkëty nëjkxëp jam nyu'kxta'aktë ma wa'ats ja'aytyëjk tsyëënëtën.

Biblia Mixe de Quetzaltepec

¹⁹ Yë ëxëëkja'aytyëjk winta'ak naaxkow jam jya'ta'antë ma oyjyä'äytyëjkëtyën. Yë ëxëëkja'aytyëjkëty nëjkxëp jam nyu'kxta'aktë ma wa'ats ja'aytyëjk tsyëënëtën.

Proverbios 14:19 ပူးပေါင်းရင်းမြစ်များ

Malaquías 4:3

Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Génesis 42:6

Yë José yë'ë ënety ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Éxodo 8:8

Ënet ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Proverbios 11:29

Mëti'ipë ja'ay ka'ap yë jyëën tyëjk tkëwent'atyën, ka'ap jap tii wyë'ëma'anxëty; yë tsuuja'ay xëmë nëjkx je'eyë tuunpë wyä'äny ma wijyjyä'äytyëjkën.

Salmos 49:14

Jëtu'unpë ja'ayëty o'kën tu'uwinye'eyëtëp jam ma o'kpëjutën, jëtu'un tä ja'ay yë kupixyny twoowye'eyën. Ko ënety xyiintyä'äky, yë oyjyä'äytyëjk yë'ë mëta'akantëp ma yë'ëjëtyën; yë jyot myëjaawëty nëjkxëp kyukëxë, ets o'kpë jut nëjkx xëmë tuktsëënëtë.

2 Reyes 3:12

Yë'ë jyëkyejpy xytyuk'ëwa'anëmëty wi'ix ja Wintsën y'ënä'änyën, jëtu'un y'ëtsooy ja Josafat. Ënet ja Israel yajkutujkpë mëët yë Josafat ets Edom tsyo'ontë ënätyë ets ojts tninëjkxtë ja Elisejë;

1 Samuel 2:36

Ja ja'ayëty mëti'ipë të jyaakwë'ëmtën juuky ma ja m'u'unk mto'oxytyëjkën nëjkxëp je'eyë jyaak tuunk'amëtowtë ets ja ëna'antëp jeexyë tii yiin wään tjaaktuntë ma ja teetytyëjkëtyën këtiipë yuu'ooktëty.

Éxodo 11:8

E ya'atë wintsëntëjkëty nëjkxëp jää xynyimintës ets koxtänë nëjkx kya'atë ets xy'ënëëmëtëtyës: Tun yë mëyajtën, nëjkxtë ets woownëjkxta'atë tëkokyë yë mja'ay. E ëjts ka'apës jää ntsojktsoona'any pën ka'ap ënety jëtu'un tyunyë jyätyë. Yë Moisés yajxon ënety të jyoot'anpëky, ko ojts jap tsyo'onë ma ja mëj'ënä'ämpën.

Génesis 43:28

Ënet ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

Hechos 16:39

Tä ja kutuunk ojts nyëjkxtë ma ja Pablo ets ja Silas jamëtyën ets yajpëtsëëmëtë je'eyëp ko jëyëjp ja mä'kxën tpëjktsoowtë ma ja Pablo ets ja Silas: Tuntë mëyajtën, pëtsëmtë yaa kajpnjoty.

Proverbios 14:18

Yë tsuuja'ayëty, yë'ë kyuma'ayën'ajtëp tsuu'at; e yë wijyjyä'ätyëjkëty yë'ë mëët jyuuky'atë winma'any.