Proverbios 14:17 - Biblia Dc en Mixe de Quetzaltepec

¹⁷ Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Biblia Mixe de Quetzaltepec

¹⁷ Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Proverbios 14:17 ပူးပေါင်းရင်းမြစ်များ

Proverbios 14:29

Ko yë ja'ay y'ëwxity myä'kxtuky, wijyajtën yajnikëxë'kpy; e ko yë ja'ay ka'ap myä'kxtuky, tsuu'at yajnikëxë'kpy.

Proverbios 29:22

Mëti'ipë ja'ay ëxëëk ëtëtsp ënaanpën ets janty pojën winë timtyunankojy, je'eyë xëmë tsyippaata'any ets ka'ap tii oy tunëty.

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Eclesiastés 7:9

Këtii joot'an mnätyukyajtëkoyëtëty, yë tsuuja'aytyëjk yë'ë ënätyë joot'anpëjktëp.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 22:24

Këtii xymyëku'ukjawëty yë ja'ay mëti'ipë ëxëëk ëtëtsp ënaanpën, ets mëti'ipë xëmë äjkëpën tooyëpën,

Proverbios 16:32

Tsoowpatp ni'ik ëwxijt mä'kxtujkën, ets këtiinëm ko ja'ay jyotmëkëty. Tsoowpatp ni'ik ko ja'ay nyäy'awijtsë'ëkyë, ets këtiinëm ko ja'ay naax kajpn tmëmëtä'äky.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Proverbios 12:16

Yë tsuuja'ay pojën tyajnikëxë'ëky ko jyoot'anpëky; e yë këpetyjyä'äy jëtu'un tyajnaxy tä pyojyën ko pën yajjoot'anpëkyë.

Proverbios 12:2

Yë oyjyä'äy, tsojkëp yë Dios, e yë ëxëëk ja'ay pokytyum yajpëjktä'äky.

Proverbios 6:18

ko ja'ay ëxëëk myëku'uk nimay nitajë, ko ja'ay nipe'tym'äty ëxëëkpë,

Ester 3:6

e jä'ä ko tëë ënety tnijawë ma tsyoonyën ja Mardoqueo, paaty ja winma'any tpaty ko ka'ap yi'iyëty atu'uk timyaj'ooka'any. Ënet tyëjkëy winma'any ixtääpyë wi'ix mëpaat tëkokyë ja Jutiiyë ja'ay tyajkutëkoyën mapaat ja yajkutujkpë Asuero ja naax kajpn tnitänën.

2 Reyes 5:12

¿Ti nëëjën jëtää jam kaka'atpë Damaskë, ëkë Farfar ets yë'ë ënät xy'ëktimtyuknikäjxpëtyës yë mëjnëë yaapë Israel yajpaatyënë? ¿Koos jeexyë jam të nëjkxy tsiipë tii këtiis jëtää jeexyë näjyëtu'un të ntso'okyë? A'äkë ojts jam tsyo'onë.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

Proverbios 14:18

Yë tsuuja'ayëty, yë'ë kyuma'ayën'ajtëp tsuu'at; e yë wijyjyä'ätyëjkëty yë'ë mëët jyuuky'atë winma'any.

Proverbios 20:3

Kumay yë ja'ay nyäxy mëti'ipë jëtu'unyë yajxe'empyën yë näy'ojë, je'eyëp ko ka'ap tyëkoy'äty yë tsuuja'ay mëti'ipë jatëkok yajtso'ontäkpyën.