Proverbios 14:11 - Biblia Dc en Mixe de Quetzaltepec

¹¹ Yë ëxëëkja'aytyëjk jyëën tyëjkëty nëjkxëp kyutëkoy; e oyjyä'äytyëjkëty jyëën tyëjkëty ni'ikyë kyëjääjëja'any.

Biblia Mixe de Quetzaltepec

¹¹ Yë ëxëëkja'aytyëjk jyëën tyëjkëty nëjkxëp kyutëkoy; e oyjyä'äytyëjkëty jyëën tyëjkëty ni'ikyë kyëjääjëja'any.

Proverbios 14:11 ပူးပေါင်းရင်းမြစ်များ

Proverbios 3:33

Yë Dios pyojkpy yë ëxëëk ja'ay yë jyëën tyëjk, ets kyënu'kxyp yë oyjyä'äy yë jyëën tyëjk.

Proverbios 12:7

Yë ëxëëkja'aytyëjk mëët nëjkx tu'kë'ëyë y'u'unk y'ëna'k y'o'kta'atë; e yë wa'ats ja'aytyëjk nëjkxëp yë y'u'unk y'ok jeky jyuuky'atë.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Proverbios 21:12

Yë juuky Dios, wa'ats t'ixy yë jyëën tyëjk yë ëxëëk ja'ay, ets xit ko'ow tyajjaty yë ëxëëkja'aytyëjk.

Job 21:28

Ets jëtu'un nyäyajtëwëtë: ¿Maa ënät ja tyëjk të wyi'imy xiipë ja'ay mëti'ipë të y'ityën kuwit kumeeny, mëti'ipë ëxëëk të jyä'äy'ätyën?

Proverbios 21:20

Ma jyëën tyëjkën yë ixpëkyjyä'äy jap'ajtp ja wit meeny mëj këjää ets ja oyjyätypë ja tsooy mëti'ipë pa'akxu'kpën. E yë ja'ay mëti'ipë tsuujën yajtuuntääpy poj'am winë mëti'ipë yiin wäänë myëët'ajtypyën.

Proverbios 11:28

Mëti'ipë ja'ay yi'iyë tyuk'ijxpejtypyën yë wyit myeeny, jëtu'un nëjkx jyäty tä aaytyë'ëts ujtstë'ëtsën; e yë oyjyä'äytyëjk jëtu'un xëmë yajpaata'antë tä yë aay ujts tsyuxk'ityën.

Job 8:15

Oy jënu'un jam jyanäkyumatsëtëty poj'am pyojtuka'any; wi'ix nyäkyumatsa'anyë ma tu'uk yë poxmtä'äkyën.

Salmos 128:3

Jap ma ja mjëën mtëjkën yë mto'oxytyëjk jëtu'un jap y'ity tä tu'uk yë tsatym kyepyën mëët yë tyëëm; yë m'u'unk m'ëna'k ko nyaaxwäätstëty kaaypyäjn wintuuy jëtu'un jam myäy nyu'knëtëty tä yë kepyjyi'tskën mëti'ipë yajtijpën olivë.

Job 18:21

Jëtu'un jyëjpkëxy ja jyuukyajtën ja ëxëëk ja'ay, mëti'ipë y'ixtijpyën ja Dios.

Job 15:34

Yë ëxëëkja'aytyëjk ka'ap yë y'u'unk y'ok tmëët'ata'antë, yë jyëën tyëjkëty mëti'ipë ënety ujts yajpatpën mëët yë wit meeny mëti'ipë të tpaatyën mëët yë win'ë'ën winxajën nëjkxëp nyitooytyä'äy.

Job 8:6

Pën mijts oymyës mjuuky'äty ets mëtëy mtu'uye'ey, yë'ë mnijootwinpitanëp ets mmo'ojanëp yë mjëën mtëjk mëti'ipë mpatëpën.

Proverbios 15:25

Yë Dios jyijtë'kpy yë jyëën tyëjk yë ja'ay mëti'ipë amëj akëjxm ja'ay'ajtpën, e ma ku'ookytyo'oxy tsyëënën ta'tspëky tyëjk tyaj'ijtë.

Job 8:22

e yë mmëtsip wintsëtyu'un jëjptsëtyu'un wyë'ëma'antë ets ja ëxëëkja'aytyëjk ja jyëën tyëjkëty, nëjkxëp yajijta'ay.

Salmos 37:10

Tyimpatyp yë xëëw jëmëjt ma ëxëëkja'aytyëjk ka'ap maa y'ëkyajpatnëtëty; oy jënu'un pën tja'ixta'ajëty ka'ap nëjkx maa y'ëkyajpatnëtë.