Proverbios 14:10 - Biblia Dc en Mixe de Quetzaltepec

¹⁰ Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Biblia Mixe de Quetzaltepec

¹⁰ Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Proverbios 14:10 ပူးပေါင်းရင်းမြစ်များ

Génesis 42:21

ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënety mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

2 Reyes 4:27

Tääts jam jyä'äjty ma ja kopkën ma ënety jam yajpaatyën ja Elisejë, tääts nyäjyijtakë ets mëk tmajtsta'tsy ja Elisejë ja tyeky. Ënätyë yë Guehazí myiiny ets tjajëwowany ja to'oxytyëjk, je'eyëp ko yë Elisejë ënätyë ojts y'ënë'ëmxëty: Këtii xyjyëwoy, ëxmats, mon tuk yowë mëk yajpaaty, tyam ka'apës yë Wintsën xytyuk'ëwaanënëm oy, tiijën myëët'ajtyp.

Job 10:1

Tëës n'ënu'kxënë mëët yë juuky'ajtk. Je'eyës yam n'ëja'any ntu'uka'any ets jëtu'unës npa'am nyajnaxa'any, yë'ëjës yë npëjkën n'ijxën nmëjpëjkta'akäämpy.

Job 21:25

Tää wiinkëtypë mëti'ipë je'eyë moontëp tujktëpën, pëjkëtëp atoonëtëp ets jëtu'un y'ooktë; ninu'un tka'ixtë ja jotkujk'ajtën.

Job 7:11

Paaty ka'ap tjëkyepy amonyë n'itëtyës. Maas yam npëkyë n'ixyën ets maas yam pa'am nmënaxy nyajnaxyën, minës mëk n'ëk'ëjy n'ëktu'uky.

Job 9:18

je'eyës nëjkx ni'ikyë ntëkë moonpë tujkpë ets ka'apës n'ëk'xajnëty.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Proverbios 15:13

Jot winma'any jotkujkpë, wiinkëjxm jëjpkëjxm yaj'ixy jotkujk; jot winma'any pa'am mëëtpë, wiinkëjxm jëjpkëjxm yaj'ixy mon tuk.

Proverbios 18:14

Tu'uk yë pa'amja'ay nikë wä'än jyaak pëtë'ëkëty ko yë jyot wyinma'any y'ëna'anëty ko pyëtë'ëka'any; e yë ja'ay mëti'ipë tëë jyot wyinma'any tyimkëxyën, ¿Wi'ix y'ëkpëtë'ëkëty?

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Dios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Juan 14:18

Ka'ap miits ku'ooky u'unkën nyajwë'ëma'antë; winpitaanpës jatëkok ets miits mëët nyajpaata'anyës.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Filipenses 4:7

Jëtu'un ja Dios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

1 Samuel 1:10

Ko yë Aná jyä'äjty jam ma tsajptëjkën, tääts tyëjkëy jëëpyë yaxpë, moonpë tujkpë ets kajpxtakpë, tmëpëjktsoy ja Wintsën.

1 Samuel 1:15

Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Dios wintuuy.