Proverbios 13:5 - Biblia Dc en Mixe de Quetzaltepec

⁵ Yë wa'ats ja'ay y'ëxëëk'ijxyp yë win'ë'ënën antakën. Yë ëxëëkja'aytyëjk je'eyë nëkoo yajtsëtyuntë ets yaj'ëxëëktëkëtë.

Biblia Mixe de Quetzaltepec

⁵ Yë wa'ats ja'ay y'ëxëëk'ijxyp yë win'ë'ënën antakën. Yë ëxëëkja'aytyëjk je'eyë nëkoo yajtsëtyuntë ets yaj'ëxëëktëkëtë.

Proverbios 13:5 ပူးပေါင်းရင်းမြစ်များ

Salmos 119:163

N'ëxëëk'ijxypyës ko pën wyin'ëëny, jëtu'unpë ja'ay ka'apës ntimwyintänëja'any; e ëjts njantytsyojkën'ajtypyës yë m'ijxpëjkën.

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Proverbios 18:3

Yë tuuntëko'oyën yajtsëyuump yë'ë, mëti'ipë nämyëja'awëyëpën ka'ap pën kyumayë.

Proverbios 3:35

Ja näykyumayë ets ja nämyëjpëjkta'akë, yë'ë kyuma'ayën'ajtyp yë wijyjyä'äy, e ja tsuuja'ay yë'ë tyukmëjpëtsëëmpy ko ka'ap pën y'oyjyawëty.

Proverbios 30:8

Jëpëk jëtun ma ëjtsën tëkatsypë jot winma'any ets ja win'ë'ënën antakën, këtiis nëkooyë xyajkumeenytya'akëty, ets këtiis nëkooyë xyaj'ëyowëty. Jëtu'unës winë xymyo'ojëty tääjës naje'eyë ntukjuuky'atëtyën.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Eclesiastés 3:8

Nyixëëw nyijëmëjt pyätyp ko pën tsyoky jyawë ets ko pën y'ëxëëk'ixy. Ko pën tsip nipëjktaakë ets ko pën jotkujk yajpaaty.

Ezequiel 20:43

Jam nëjkx xyjyä'ämyätstë tëkokyë ja ëxëëktu'un ëxëëk kajpxën mëti'ipë të mnätyukyaj'ëxëëkëtën ets kë'ëm nëjkx ëxëëk mnäyjyawëtë ko ënety xyjya'ämyätstë wi'ix tëkatsy winë të xytyuntën.

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënety yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

Colosenses 3:9

Këtii mnäwyin'ëënëtëty nixim niyam, jä'ä ko tëë xy'ëxmajtsnëtë jëtu'unpë ja juukyajtën ets ja ëxëëkpë mëti'ipë ijty mtuuntëpën,

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Jueces 16:11

Ets ja Sansón y'ëtsooy: Pën xytyuuntëpës mëët yë jemtyejpxy, ëjts ka'apës xymyäyëty tii ntunëty, ets jëtu'unës nëjkx n'awinpity tä oy napënën.