Proverbios 13:10 - Biblia Dc en Mixe de Quetzaltepec

¹⁰ Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Biblia Mixe de Quetzaltepec

¹⁰ Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Proverbios 13:10 ပူးပေါင်းရင်းမြစ်များ

Proverbios 19:20

Ja'akyukë ja näy'ëëwij näkyajpxwijë ets kupëk ko ënety pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënety mwijyëty.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

Santiago 4:1

¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.

1 Timoteo 6:4

jëtu'unpë ja ja'ayë je'eyë nëkoo nyämyëjjawëty ets ka'ap tii tnijawë. Ko nmëëtmëtyakmëty jëtu'un nyäjyawëty tä jeexyë pya'ampetyën ets myëtsiptsoony, y'ëxëëk'ixy, y'ojy yä'äxy ets ka'ap tjëkyepy wi'ix yaj'oyjyawëty,

Lucas 22:24

Tääts xim yam nyäyajtëëwëtë ja Jesús ja y'ijxpëjkpëtëjk pën jëtu'un ni'ik mëj ijtp.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

2 Reyes 14:10

Ëjts n'ijxkäjpyës ko mijts mjotmëkëty ets ko tëë xyajtëkoy ja Edom ja'ayëty ets mpatëp ets mijts amëj akëjxm mnäjyawëtëty. Oy mëj'äämpy m'ëk naxëty; je'eyëp ko ënät y'oy'atëty ko jämyë mwë'ëmëty ma mtëjkën. ¿Wi'ix ko nëkoo kë'ëm yë mjotmay xy'ixta'aja'any ets näjyëtu'un yë jyotmay yë Judá?

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Jueces 19:30

E ko t'ijxtë ja Israel ja'ayëty ja jëtu'unpë ja nini'kx tsujktä'äkpyë, ënät y'ënantë: Maju'unëm ntso'onëmën jap Egiptë, ka'ap maa jëtu'unpë n'ijxëm. Kopkpëky ko nmëma'ay nmëtajmëty tii mëpaat ntu'unëmë mëët ya'atë të tyuny të jyätyën.

Proverbios 13:9

Yë wa'ats ja'aytyëjk jëtu'un tyë'kxtë jyajtë tä jëën muum tyi'kxy jyäjyën. E yë ëxëëkja'aytyëjk jëtu'un yë'ëjëty tä tu'uk yë kutë'kxnën mëti'ipë kupi'tsëpën.

Proverbios 13:11

Ko yë wit meeny yaj'atsoky, ni'ikyë yaj'ixy wyäänë. Mëti'ipë ja'ay wyit myeeny nyikoonpejtypyën oy wyäänjatyëty, ni'ikyë tyajmayë.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.