Proverbios 12:8 - Biblia Dc en Mixe de Quetzaltepec

⁸ Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Biblia Mixe de Quetzaltepec

⁸ Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Proverbios 12:8 ပူးပေါင်းရင်းမြစ်များ

Génesis 41:39

Ënet yë yajkutujkpë t'ënëmaay yë José: Ka'ap ma wiinkpë ja'ay jaakwinma'anymyëëtpë ets wijypyë ijxtëm mijtsën, Dios jëtu'un të mtuknijawëty tu'kë'ëyë ya'atë.

Salmos 132:18

Tëkokyë ja myëtsiptëjk tsëtyu'unmëëtës nyajwë'ëma'any e yë'ë mëj'äämpy y'ita'any.

Proverbios 1:26

Näyjyëtu'unës nëjkx jëna'a nxikpë ko ënety mpaatëtë ja ëyo'on jotmay. Nëjkxëp näjyëtu'un jëna'a ntukxiktëpë ko ënety jam m'ookanëtë mëët ja tsë'ëkë,

Proverbios 12:7

Yë ëxëëkja'aytyëjk mëët nëjkx tu'kë'ëyë y'u'unk y'ëna'k y'o'kta'atë; e yë wa'ats ja'aytyëjk nëjkxëp yë y'u'unk y'ok jeky jyuuky'atë.

Proverbios 12:9

Oypyëtsëëmp ko ja'ay ku'uxyë pën yajkayë, oy pën kyamëjpëjktä'äkyë; këtii ko ja'ay janty mëj nyäxy ets ka'ap oy kyäy y'uuky.

Proverbios 29:27

Mëti'ipë ja'ay oy tsuj juuky'ajtëpën, ka'ap oy nyäyjyawëtë ma ëxëëkja'aytyëjkën; ets ëxëëkja'aytyëjk näjyëtu'un ka'ap oy nyäyjyawëtë ma oyjyä'äytyëjkën.

Proverbios 3:35

Ja näykyumayë ets ja nämyëjpëjkta'akë, yë'ë kyuma'ayën'ajtyp yë wijyjyä'äy, e ja tsuuja'ay yë'ë tyukmëjpëtsëëmpy ko ka'ap pën y'oyjyawëty.

Proverbios 5:23

Mëët yë'ë ko ka'ap tnijawë ja ëëwij kajpxwijën, jam nitëyë nyijkxy ma y'ookëtyën; mëët ko tsyuujëty, kë'ëm nyäyaj'ooka'anyë.

Eclesiastés 8:1

¿Pën y'ëkmëpaatëp yë wijyjyä'äy? ¿Ets pën y'ëkja'aykyukëp wi'ix ko winë tyunyë jyätyë tä yaj'ixyën? Yë wijyajtën këxë'kp ma wiin ma jëjpën; ets oy tyajkëxë'ëky yë wiin jëjp. Ko tmëmëtowtën ja yajkutujkpë

Isaías 19:14

Yë Wintsën të txëpiintaayë yë Egiptë ja'ay yë jyot wyinma'any ets jëtu'un ja Egiptë kajpn nyë'ëtëkoy tyu'utëkoyëty, jëtu'un jyata'an tä tu'uk ëmu'ukyë ja'ayën mëti'ipë ni'ikyë kumukpëjkëpën ko tyëkë ë'tspë.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Lucas 16:8

Tääts ja wintsën tnija'awëy ko ja tuunpë ka'apë oy myëtunyën, tëë oy tniwijy'äty wi'ix tii tunëtyën. Jëtu'un yë ja'ayëty y'ëtë'ëtstë nyiwijy'ajtëp ja kyë'ëmtuunkëty, ets ni'ik mëti'ipë akootstuuy yajpatëpën këtiinëm mëti'ipë tëë ja të'kxën jajën tpaatën.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 10:18

Jä'ä ko ja ja'ay mëti'ipë mëpaat mëj'äämpy nyäxyën Dios wyintum, ka'ap yë'ëjëty mëti'ipë kë'ëm nämyëjpëjktakëpën, yë'ë mëti'ipë ja Wintsën yajmëjnajxëpën.

1 Samuel 13:13

Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 18:30

E xëmë ko ja filistejë ja'ayëty ijty tsyoontë tsiptuunpë yë David ijty xëmë mëtakp tsipjotm, këtiinëm jëtu'un ja wiinkëtypë ja tsiptuunpë wintsënëty.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.