Proverbios 12:4 - Biblia Dc en Mixe de Quetzaltepec

⁴ Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Biblia Mixe de Quetzaltepec

⁴ Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

Proverbios 12:4 ပူးပေါင်းရင်းမြစ်များ

Proverbios 14:30

Ko yë ja'ay xeemy yë jyot wyinma'any, po'kxp yë jyot nyini'kx; e ko yë jyiiky myëku'uk t'ëxëëk'ixy, ka'ap nijënu'un yë jyot nyini'kx jyotkujk'aty.

Proverbios 14:1

Yë to'oxytyëjk wijypyë kyojpy yë tyëjk; yë to'oxytyëjk tsuupë kë'ëm tyajma'aty yë jyëën tyëjk.

1 Corintios 11:11

Oy jyajëtu'unëty, ma ja mëpëjkën, näjyëtu'un ja to'oxytyëjk tëyajtën tmëëtëty ijxtëm ja ye'etyëjkën.

1 Corintios 11:7

Ye'eytyëjk ka'ap mëpaat nyäkyupe'enyë, jä'ä ko yë'ë ja Dios myëj'ajtën jyääntyajtën yajwinkëxë'këp ets ko nän yë'ë Dios yajmëjnajxyp. Ja to'oxytyëjk yë'ë ye'etyëjk myëj'ajtën jyääntyajtën yajwinkëxë'këp.

Proverbios 21:19

Wä'än jëtää jaak'oy yë ja'ay muum jyuuky'atëty të'ëts'itum ets këtii ko jyuuky'atëty mëët tu'uk ja to'oxytyëjk mëti'ipë ëxëëk ja'ay'ajtpën.

Proverbios 21:9

Ni'ik jotkujk yë ja'ay yajpaaty mëti'ipë tëjknëkëjxy juukyajtpën; këtiinëm ko ja'ay tëkoty jyuuky'äty mëët ja to'oxytyëjk mëti'ipë je'eyë mëët xëmë tsyiptunyën.

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Rut 3:11

Këtii mtimtyë'ëkëty u'unk maay, ma ya'atë naax kajpnën nyija'awëtyëp yë ja'ay ko mijts oyjyot oywyinma'any xymyëëtëty ets oy winë xytyuny. Paatyës tyamës nkupëky ets mpëjkmëty ijxtëm të xy'amëtoyën.

Proverbios 12:5

Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Proverbios 11:22

Jëtu'un tä tu'uk pu'ts pujxnkë'ëjiitsën mëti'ipë jam ijtpën ma ëtsëm yë jyëjpën, jëtu'un yë to'oxytyëjk nyäxy mëti'ipë këxë'kpën oy ets ka'ap yajxon winë tmay tajy.

Proverbios 30:23

ja to'oxytyëjk mëti'ipë ka'ap pën tsyokyën ets ja nyiye'etyëjk tpaaty, ets ja to'oxytyëjk mëti'ipë mëtuunpën, nyäjxy jëtu'un tä jeexyë yë'ë wyintajëtyën.

Proverbios 31:29

Yë to'oxytyëjk tää kanaak jyätyë mëti'ipë oyëtyën, e mijts jaakni'ik m'oyëty këtiinëm jyëtu'un'atë ja wiinkëtypë ja to'oxytyëjktëjk.