Proverbios 12:25 - Biblia Dc en Mixe de Quetzaltepec

²⁵ Yë monyëtukyë je'eyë ja'ay ëxëëk tyajnäjyawëty; e ko pën oy myëxony myë'ityë, tääts jyotkujkë.

Biblia Mixe de Quetzaltepec

²⁵ Yë monyëtukyë je'eyë ja'ay ëxëëk tyajnäjyawëty; e ko pën oy myëxony myë'ityë, tääts jyotkujkë.

Proverbios 12:25 ပူးပေါင်းရင်းမြစ်များ

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Proverbios 15:13

Jot winma'any jotkujkpë, wiinkëjxm jëjpkëjxm yaj'ixy jotkujk; jot winma'any pa'am mëëtpë, wiinkëjxm jëjpkëjxm yaj'ixy mon tuk.

Proverbios 17:22

Mëk tsooy yë'ë ko ja'ay jotkujk nyäjyawëty; e ko ja'ay mon tuk nyäjyawëty, tim këjxtääpy tjawë yë jyot myëjaaw.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Proverbios 15:23

Jotkujk ko oypyë kajpx'ëtso'owën yajpaaty, ets ni'ik ko jää ma myëyätyën.

Zacarías 1:13

Ënet ja Wintsën t'ëtsooy mëët tu'uk yë aaw ayuk oypyë mëti'ipë yajjotkujkëpën, ja tsajpjotmëtë kukäjpxy mëti'ipës ënety xymyëmëtyakpën,

Proverbios 12:18

Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Proverbios 27:9

Yë jot winma'any yë'ë mëët jyotkujkë oyëtypë tsooy mëti'ipë pa'akxu'kpën; Näyjyëtu'un ja oypyë ja ëëwwij kajpxwijën yajjotkujktäkpy ja jëëky mëku'uk.

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Proverbios 18:14

Tu'uk yë pa'amja'ay nikë wä'än jyaak pëtë'ëkëty ko yë jyot wyinma'any y'ëna'anëty ko pyëtë'ëka'any; e yë ja'ay mëti'ipë tëë jyot wyinma'any tyimkëxyën, ¿Wi'ix y'ëkpëtë'ëkëty?

Proverbios 25:11

Ko ja'ay jää tii tnikäjpxy ma ja aaw ayuk myëyätyën, jëtu'un nyäxy tä ujts tëëmën mëti'ipë aak pu'ts pujxnën ets mëët y'ijxëntëkë ja poop pujxn.

Salmos 38:6

Mon tukës nxëënaxy ets winta'ak naaxkow.

Proverbios 15:15

Mëti'ipë ja'ay mon tuk yajpatpën, ëxëëk nyäjyawëty winjëpom; e mëti'ipë ja'ay akujk jotkujk näjya'awëyëpën, jëtu'un xëmë winjëpom nyäjyawëty xëëw yowë tuunëp.

Proverbios 14:10

Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Proverbios 12:26

Yë wa'ats ja'ay jä'ä y'ity tu'uwinwoopë ma ja myëku'ukën; yë ëxëëk ja'ay jëtu'unyë nyë'ëtëkoy tyu'utëkoy.

Proverbios 15:30

Ko ja'ay oy wyintë'kxy yäjkpy jotkujk'ajtën; ko pën tmëminy oy aaw oy ayuk yajjotmëkmëjkp yë'ë.