Proverbios 12:18 - Biblia Dc en Mixe de Quetzaltepec

¹⁸ Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Biblia Mixe de Quetzaltepec

¹⁸ Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Proverbios 12:18 ပူးပေါင်းရင်းမြစ်များ

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Proverbios 15:4

Yë oypyë aaw ayuk, jëtu'un yajjuuky'äty jeky tä tu'uk mëj kepy jeky jyuuky'ätyën; yë ëxëëk ayuk je'eyë yajmony yajtuky.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Daniel 11:33

Yë wijyjyä'äytyëjkëty mëti'ipë yajpatëpën ma naax kajpnën nëjkxëp mayjyä'äy tyaj'ijxpëktë, ok nëjkx yaj'ookëtë ets nyino'oka'anëtë ets myä'tsta'aja'anëtë ets nëjkx tyookëtë wiink naax wiink kajpn ets y'ëyowtëty myëtuntëty. Je'eyëp wäänë jëtu'un y'ita'any.

Proverbios 25:18

Jëtu'un tä tëypyujxnën ets ti'pxnkepyën janty jëjpxu'unypë, jëtu'un ja ja'ay nyäxy mëti'ipë ja jyiiky myëku'uk nyi'ë'ënëpën wiinkjaty.

Proverbios 15:7

Yë wijyjyä'äytyëjk yajye'eywya'kxtëp yë wijyajtën ko myëtya'aktë, e yë ëxëëkja'aytyëjk tii y'ëkyajwa'kxtëp ijxtëm myäytyën tyajtën.

Proverbios 13:17

Mëti'ipë ja'ay ëxëëk yë aaw ayuk myëjëtijtypyën, je'eyë muum amay jotmay tyajkëxë'ëky; e mëti'ipë ja'ay oy yë aaw ayuk myëjëtijtypyën, yë'ë jatëkok yajjotkujktakp.

Proverbios 4:22

Yë kajpxwijën yäjkpy yë juukyajtën, yäjkpy yë oy'ajt mëk'ajtën ma ja'ayëtyën mëti'ipë pyatëpën.

Salmos 64:3

Jëtu'un yë y'aaw yä'än tyajjëjpëtë tä yë tëypyujxnën ets ënät yë y'aaw y'ayuk tkajpxtë tsaaty ma'at ets yajtsëtyuty jëtu'un tä ti'pxnën mëti'ipë yaj'o'kpën.

Apocalipsis 22:2

Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Salmos 59:7

Je'eyë o'pky pyëtsëëmnë ma y'aawëtyën, ko kyajpxtë tä ëxëëk yajmëtoyën, ets y'ëna'antë: Ka'ap ma pën, pën xy'ëkmëto'owmëp.

Proverbios 12:17

Ja'ay mëti'ipë tii mëtëy të t'ixyën, mëtëy tii tnimëtyä'äky, e mëti'ipë ka'ap tii të t'ixyën je'eyë nëkoo y'antä'äky.

Salmos 57:5

Dios, mëti'ipës nTios'ajtypyën, mijts jam tsajpkëjxm myajpaaty. Mijts myajwintujkpy yë naaxwiinyëtë mëët yë mmëj'ajt m'oyajtën.