Proverbios 12:13 - Biblia Dc en Mixe de Quetzaltepec

¹³ Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Biblia Mixe de Quetzaltepec

¹³ Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Proverbios 12:13 ပူးပေါင်းရင်းမြစ်များ

Génesis 48:16

Yë Dios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

2 Samuel 4:9

Tää ja David y'ëtsooy: Tyam miitsëty yajxon n'ënëëmëtëty ets Wintsënës yam ntukkajpxpejtyp mëti'ipës xëmë xyaj'ëwaatsëpëtsëëmpën koos nmony ntuky,

1 Reyes 2:23

Ko jëtu'un kyajpxtaay ja yajkutujkpë Salomón, tä y'ënäny: Yë Wintsën yë'ëjës mëk xytyiytyunëp pën ëjts ka'apës ntukumëtoy yë Adonías mëët mëti'ipë të tkäjpxyën.

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Salmos 34:20

Yë'ë këwent'ajtaayëp tëkokyë yë pyajk; nitu'uk kyatëja'any.

Salmos 5:6

Myajkutëkoopy ja win'ë'ëmpë antakpë, ets ka'ap xykyupëky mëti'ipë ja myëku'uk y'ayäjkpy kyë'ëyäjkpyën ma ja ëxëëkpën ets mëti'ipë yajja'ay'o'kpën.

Salmos 59:12

Kë'ëm nyätyëkoyëtë ko nëkoo ëxaty y'ëna'antë; Wä'än ënät kë'ëm nätyuktëytyunëtë ko nyämyëjaw nyäjyääntyjyawëtë ets ko nëkoo tii tkajpxtë ka'apë myëtëyëtyën.

Salmos 59:13

Yajkëjxta'a; yajkëjxta'a yajnajxta'a, mëët yë mtsip m'äkë. Wä'än jëtu'unyë tëkooytya'atë. Ets tëkokyë yë ja'ay nijawëtëty ko Dios yë'ë ënä'ämp ma Jacob nyaax kyajpnën ets ma tëkokyë naaxwiinyëtë y'ëwtityën.

Salmos 64:8

kyë'ëm aaw kyë'ëm ayuk nëjkx tyiytyunëtë, e ja ja'ayëty mëti'ipë ijxëtëpën je'eyë nëjkx nyëxi'ik tyukxi'ikëtë.

Proverbios 10:8

Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.

Proverbios 11:8

Yë Dios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Proverbios 15:2

Yë wijyjyä'äytyëjkëty yë'ë kyajpxtëp wijyajtën; e yë tsuuja'ayëty yë'ë kyajpxtëp tsuu'at.

Proverbios 18:21

Yë aaw ayuk yaj'o'kp ëkë yajjuuky'ajtp yë'ë; mëti'ipë ja'ay ku'awakën ëxëëk jyäty kyëpety.

Proverbios 21:23

Mëti'ipë ja'ay wyiin y'aaw kyëwent'ajtypyën, ko tii t'ëy tkäjpxy, nijëna'a ëxëëk kyajjat kyakëpätëty.

Proverbios 6:2

kë'ëm mnämyo'oyë ja jotmay ets mnäyajtu'u'ëtukyë mëët ja mkë'ëm'aaw mkë'ëm'ayuk.

Eclesiastés 7:18

Oy ko tii ta'tspëky nmajtsmëty ets ka'ap nmajtstutmëty. Mëti'ipë ja'ay jyä'ämyejtsypyën yë Dios aak'oy winë wyimpëtsë'ëmxëty.

Daniel 6:24

Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënety ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënety jap y'oyjya'tënëm ko ja kaa myajtstaayëtë ets tsyu'tstaayëtë.

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.