Proverbios 12:11 - Biblia Dc en Mixe de Quetzaltepec

¹¹ Mëti'ipë ja'ay yajtuumpyën nyaax kyam, ka'ap tyëkoy'ajtxëty yë jyi'kxy pyiky; e yë ja'ay mëti'ipë tsuujën, yë'ë tyuunk'ajtyp mëti'ipë ka'ap nimaa tuk'oy'atëtyën.

Biblia Mixe de Quetzaltepec

¹¹ Mëti'ipë ja'ay yajtuumpyën nyaax kyam, ka'ap tyëkoy'ajtxëty yë jyi'kxy pyiky; e yë ja'ay mëti'ipë tsuujën, yë'ë tyuunk'ajtyp mëti'ipë ka'ap nimaa tuk'oy'atëtyën.

Proverbios 12:11 ပူးပေါင်းရင်းမြစ်များ

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Salmos 26:4

nijëna'ajës mëët të nkaye'eymyuky të nkanajxmuky yë ja'ay mëti'ipë antaktëpën ets ni të nkapuwa'akës yë ja'ay ka'apë winë aaw winëjot tii tnikäjpxyën.

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Proverbios 13:23

Ma kyam tyu'ujën yë ëyoopëja'ay tam yë jë'kxy pëky jyätyë, e jää may winë tyëkoy ko kyajää'aty ja nipaye'eyë.

Proverbios 14:23

Tëkokyë mëti'ipë yajtuk'oy'ajtpën, nimëjaaw yajpaaty. Ko ja'ay je'eyë kyu'awakëty, ëyo'on nätyukpatëp.

Proverbios 14:4

Pën ka'ap yë tsajpkaa, ka'ap tjëkyepy yë tsajpmok yajniyu'ujëty; yë tsajpkaa yë'ë myëjaaw yajtuunpy ets may yë tsajpmok yajniyu'ujë.

Proverbios 20:13

Këtii yë tsuu ma'ay xyajmëjtëkëty, këtiipë jëna'a m'ëyow mjotëkoyëty. Wijy xëmë m'itëty, ets ka'ap mka'ayën m'ukën tyëkoy'atëty.

Proverbios 27:27

ets tsi'tsknëë mëti'ipë mëët xy'uukëty yë m'u'unk m'ëna'k ets mtuunpëtëjk.

Proverbios 28:19

Mëti'ipë ja'ay yuup tuunpën kyamjotm tyu'ujotm, ka'ap tii y'ëmaaytya'aka'anxëty; e mëti'ipë ja'ay yi'iyë pyajëtijtypyën nuuxtëjk, nëjkxëp y'ëyoy jyotëkoy.

Proverbios 6:32

Tsuu yë ja'ay mëti'ipë wiink to'oxytyëjk mëët jyëtityën. Mëti'ipë jëtu'unpë tyuunpyën, kë'ëm nyäyajtëkoyë.

Proverbios 7:7

jam ja ëna'ktëjkëty tyänëtë, ets tu'uk të n'ixyës mëti'ipë ka'ap wyijyëtyën,

Proverbios 9:13

Yë tsuuwinma'any jëtu'un tä tu'uk yë to'oxytyëjkën mëti'ipë pi'tskajpxpën, kunëpap jyä'äy'äty ets winma'anytyuk.

Proverbios 9:16

Mintë miitsëty yä'äy'ëna'këty jënu'un ka'ap tii xyjyatën xynyijawëtën. Jëtu'un tkäjpxynyikexy ja ja'ay mëti'ipë ka'ap kyëpety'atën.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

2 Tesalonicenses 3:8

ka'apës pën ja kyääky jyi'kxy të nkakujuuyëtë. Ni'ikyës të ntuntë xëëny koots këtiipë miits n'atsiptëty.

Jueces 9:4

Jap tju'të tëkë'px majk yë poop pujxn meeny tsajptëkoty ma Baal-berit yë tsyajptëjkën ets tmooytyë yë Abimélec. Mëët ya'atë meeny yë'ë ojts yë Abimélec tukmëjuy yë ja'ayëty mëti'ipë ënety yi'iyë tyuunk'ajtëpën yë yajja'ay'o'k ets t'ënëmaay ets pyanëjkxëtëty. Ënet ya'atë ja'ayëty ojts tjanty pyatsoontë ja Abimélec.