Proverbios 11:4 - Biblia Dc en Mixe de Quetzaltepec

⁴ Yë wit meeny nijënu'un kyatuna'any ko ënety ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Biblia Mixe de Quetzaltepec

⁴ Yë wit meeny nijënu'un kyatuna'any ko ënäty ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Proverbios 11:4 ပူးပေါင်းရင်းမြစ်များ

Génesis 7:1

Ënet yë Dios jatëkok t'ënëmaay yë Noé: Jënu'un tyam yë naaxwiinyëtë ja'ay jyuuky'atën, mijtsyë jëtu'un atu'uk mjuuky'ajtp ijxtëmës ntsokyën. Paaty ënät tyam tëkë jap ma kepy nëëwinye'epyën mëët tu'kë'ëyë m'u'unk mto'oxytyëjk.

Job 20:28

Ko ënety ja Dios ja tsyip y'äkë tyukëtä'äkyë tä nëëkomën, jää nëjkx y'atëkooytyä'äy yë wyit myeeny.

Proverbios 10:2

Yë wit meeny mëti'ipë yajpatpën mëët yë ëxëëk jot ëxëëk winma'any, ka'ap pën oy tyajtuny; e ko yë wit meeny ja'ay oy tnitun tniye'eyë, yajpëtsëëmp o'këntum.

Proverbios 12:28

Ko në'ë tu'u yajye'ey mëti'ipë mëtëyën, tukpatp yë juukyajtën; e ko jä'ä ja në'ë tu'u yajye'ey mëti'ipë tsuuja'aytyëjk ye'eytyëpën, o'kën yajpatp.

Proverbios 6:34

Jä'ä ko yë ja'ay mëti'ipë nyi'äkë'ajtypyën yë tyo'oxytyëjk, jëtu'un tä jëënën, ka'ap pyokymye'kxy ko jyoot'anpëky.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Ezequiel 14:14

E ma tääpë kajpnën ko jeexyë jam y'ëkmintë Noé, Daniel ets Job, yi'iyë jeexyë nitëkëëk tsoktëp jä'ä ko mëtëy yë të jyuuky'atë. Ëjts Wintsën, ëjts ënaanp.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Romanos 5:17

Pën paatykyëjxm jyää'ajty ja o'kën ko tu'ukpë ja ja'ay pyokytyuuny. Ni'ik ja Dios, mëët ja tsyojkën jya'awën namëyajtënpë tyajwa'atsa'any ja mayjyä'äy, ma y'ënä'äma'anyën xëmëkyëjxm tu'ukpë ja ja'ay, ja Jesukristë.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.