Proverbios 11:31 - Biblia Dc en Mixe de Quetzaltepec

³¹ Pën wa'ats ja'ay y'ëxajëp yë myëju'uny yaa naaxwiiny naaxkëjxy, näjyëtu'un yë ëxëëkja'aytyëjk kopkpëky ko tkumëtowtë yë pyoky.

Biblia Mixe de Quetzaltepec

³¹ Pën wa'ats ja'ay y'ëxajëp yë myëju'uny yaa naaxwiiny naaxkëjxy, näjyëtu'un yë ëxëëkja'aytyëjk kopkpëky ko tkumëtowtë yë pyoky.

Proverbios 11:31 ပူးပေါင်းရင်းမြစ်များ

Jeremias 25:29

Jä'ä ko jamës nyajtso'onta'aka'any yë ëyo'on jotmay ma ja kajpnën mëti'ipës ojts ëjts njayajtuknikënu'kxën. ¿E miits m'ënantëp ko ka'ap myajtëytyuntëtyë? Miitsëty ka'ap myajnimä'kxa'antë, jä'ä ko nyajtso'onta'akäämpyës yë tsip ma tëkokyë yë naax kajpn yajpaatën. Ëjts Wintsën mëti'ipë maaytyääyëpën winë, ëjts ënaanp.

Proverbios 13:21

Yë pokyjyä'äytyëjkëty jëtu'un yë ëxëëkpë tyimpajëtitëtë. E yë wa'ats ja'aytyëjk yë'ë kyuma'ayën'atantëp yë oyajtën.

1 Reyes 13:24

tää ojts nyijxy. E tamtsën ënety jëtu'un tyu'uye'ey ko jam tu'ujotm y'aye'eyëy tu'uk yë mëj kaa, tim näyaj'o'kë; ja käjpxynyajxpë ja nyini'kx jëtu'unyë ojts jam wyi'imy wijtstëy tu'ujotm. E ja krukts ets ja kaa je'eyë nyaaxmë'ixëyë.

2 Samuel 22:21

Yë Wintsën yë'ëjës të xykyumay ets ya'atë kuma'ayën xypyatpës jëtu'un ënety mëët ko oyës winë të ntuny,

2 Samuel 22:25

Yë Wintsën yë'ëjës të xykyumay, mëët yë'ëkyëjxm koos oy winë të ntuny të nkäjpxy ma yë'ëjën.

Proverbios 12:1

Ko yaj'oyjyawë yë nätyu'uwinwow nätyu'uwinwitsë, wijyajtën ënety yajtsojkën'ajtp; e ko yaj'ëxëëkjawë yë nätyu'uwinwow nätyu'uwinwitsë, tsuu'at ënety nikëxë'kp.

Proverbios 26:10

Jëtu'un tä yë ja'ayën mëti'ipë jam yë tyi'pxnën aak tyukni''ijxyp oytyiijëty, jëtu'un ja'ay nyäxy mëti'ipë tyuunkmoopyën yë tsuuja'ay.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Ezequiel 44:10

Yë Leví ja'ayëty mëti'ipë ëpëky të nyäpyëjkta'akëtën ko ja Israel ja'ayëty ojts xy'ëxmatstës ets ja wiink tu'u ojts tmatstë, yë'ëjëty kopkpëky ko ja nyëë pyoky tnikëpäjtu'utëty.

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.