Proverbios 11:21 - Biblia Dc en Mixe de Quetzaltepec

²¹ Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Biblia Mixe de Quetzaltepec

²¹ Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Proverbios 11:21 ပူးပေါင်းရင်းမြစ်များ

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Proverbios 16:5

Yë Dios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Salmos 37:26

Oy tyimjëna'ajëty xëmë pya'ëyoy; ets yäjkpy winë nu'kxtsoy; yë y'u'unk y'ëna'k yë'ë tyukmëët'ajtyp yë näkyënu'kxën.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Éxodo 23:2

Këtii xymyëjwa'kpätëty ja mayjyä'äy ko ëxëëkjaty winë tuntëty tkajpxtëty. Ko muum ja m'ayuk tëyajtënpë xykyë'ëyaka'anëty oy jëtu'un xyjya'ixëty yë mayjyä'äy këtii mtsë'ëkëty ets këtii jam mnäkyë'ëyakëtëty ma ja ka'apë myëtëyëtyën.

Isaías 27:4

Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.

Proverbios 11:20

Dios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.

Proverbios 11:22

Jëtu'un tä tu'uk pu'ts pujxnkë'ëjiitsën mëti'ipë jam ijtpën ma ëtsëm yë jyëjpën, jëtu'un yë to'oxytyëjk nyäxy mëti'ipë këxë'kpën oy ets ka'ap yajxon winë tmay tajy.

Jeremias 44:15

Ënet ja ye'etyëjkëty mëti'ipë nyija'awëtëpën ko ja tyo'oxytyëjkëty wiink tios të tmo'otë ja wyintsë'kën ets ja to'oxytyëjkëty mëti'ipë ënety jap Egiptë tsënaaytyëpën ëpa'tkë'ëytsyow mëët ja jutiiyë ja'ayëty, ojts t'ëtsoowtë ja Jeremías.

Éxodo 23:7

Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Job 36:17

E mijts ni'ikyë yë ëxëëk ja'ay të xypyukajpxë, tä jeexyë mijts m'ëna'anyën ko kopkpëky ko yë ëxëëkja'aytyëjk yajtëytyuntëty.

Proverbios 12:21

Yë wa'ats ja'ay nijëna'a ëxëëk kyajaty kyakëpety, e yë ëxëëk ja'ay tu'kë'ëyë nëjkx tsëëmnajxta'ay ja ëyo'on jotmay.